ငရုတ်ကောင်း၊ နိုဝင်ဘာ ၂၃
ဧရာဝတီတိုင်းဒေသကြီး၊ ပုသိမ်ခရိုင်၊ ငရုတ်ကောင်းမြို့(အထက) ကျောင်း၌ အသက် (၁၂)နှစ် အထက် ကျောင်းသား၊ကျောင်းသူများအား ကိုဗစ်-၁၉ရောဂါကာကွယ်ဆေးထိုးနှံခြင်းကို ယနေ့နံနက်၁၁နာရီက ငရုတ်ကောင်း(အထက) ရွှေရတုခမ်းမဆောင်တွင် ကျန်းမာရေးဝန်ထမ်းများက ကိုဗစ်-၁၉ ရောဂါ ကာကွယ် ဆေးဒုတိယအကြိမ်ထိုးနှံပေးလျက်ရှိသည်။
ထိုသို့ ကိုဗစ်-၁၉ရောဂါ ကာကွယ်ဆေးထိုးနှံခြင်းများ ဆောင်ရွက်ရာတွင်ဆေးထိုးရန် လာရောက်ကြ သည့် အသက်(၁၂)နှစ်နှင့် အထက်ရှိကျောင်းသား၊ ကျောင်းသူများကိုပညာရေးဌာနမှ ဝန်ထမ်းများက လက်သန့်ဆေးရည်များဖြင့် လက်ဆေးစေခြင်း၊ ကိုယ်အပူချိန်တိုင်းတာပေးခြင်း၊ သွေးပေါင်ချိန် တိုင်းတာ ပေးခြင်းနှင့် စာရင်းမှတ်တမ်းရေးသွင်းခြင်း ကောက်ယူခြင်းများကို ဆောင်ရွက်ပေးပြီး ကျန်းမာရေးဝန်ထမ်းများကကာကွယ်ဆေးထိုးနှံပေးခြင်းများကိုစနစ်တကျဆောင်ရွက်ပေးလျက်ရှိသည်။
ငရုတ်ကောင်းမြို့တွင် အဆိုပါ ကာကွယ်ဆေးအားအခြေခံပညာအလယ်တန်း၊ အထက်တန်းမှ အသက်(၁၂) အထက်ရှိကျောင်းသား၊ကျောင်းသူ(၁၇၆)ဦးကို အောက်တိုဘာ၁၈ရက်နေ့မှ စတင်၍ ပထမအကြိမ်ထိုးနှံပေးထားခဲ့ပြီးဖြစ်ကာနိုဝင်လာ၂၃ရက်နေ့မှစ၍အခြေခံပညာကျောင်းများမှကျောင်းသား၊ကျောင်းသူများကိုဒုတိယအကြိမ်မြောက်ပြန်လည်ထိုးနှံပေးလျှက်ရှိကြောင်းသိရသည်။
https://t.me/MyanmarNationalPost
www.mnpnewsagency.com
ليست هناك تعليقات:
إرسال تعليق