နတ်တလင်း၊ နိုဝင်ဘာ ၂၃
ပဲခူးတိုင်းဒေသကြီး၊ သာယာဝတီခရိုင်၊ နတ်တလင်းမြို့နယ်တွင် ပန်းခင်းစီမံချက်ဖြင့် အိမ်ထောင်စု လူဦးရေ စာရင်းနှင့် နိုင်ငံသားစိစစ်ရေးကတ်ပြား ပေးအပ်ပွဲအခမ်းအနားကို ယမန်နေ့က မြို့နယ်လူဝင်မှုကြီးကြပ် ရေးနှင့် ပြည်သူ့အင်အားဝန်ကြီးဌာန မြို့နယ်ဦးစီးမှူးရုံးတွင် ကျင်းပခဲ့ကြောင်း သိရသည်။
အဆိုပါပေးအပ်ပွဲ အခမ်းအနားတွင် လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန နတ်တလင်း မြို့နယ် ဦးစီးမှူး ဦးအောင်သူက ပန်းခင်းစီမံချက်နှင့် ပတ်သက်ပြီး ရှင်းလင်ဆွေးနွေး အမှာစကား ပြောကြားပြီး ရေမွှေးကျေးရွာအုပ်စုရှိ အိမ်ထောင်စုဝင်များအတွက် အသက်(၁၈)ပြည့်နိုင်ငံသား စိစစ်ရေး ကတ်ပြား(၂၅)ခု နှင့် ပျောက်ပျက်မိတ္တူ(၂၂)ခုကို တာဝန်ရှိသူများက ကျန်းမာရေးဝန်ကြီးဌာနမှ ထုတ်ပြန် ထားသည့် ကိုဗစ်- ၁၉ စည်းကမ်းချက်များနှင့်အညီ ပေးအပ်ခဲ့သည်။
နတ်တလင်းမြို့နယ်ရှိ မြို့ပေါ် (၄)ရပ်ကွက်၊ ကျေးရွာအုပ်စုပေါင်း(၈၄) အုပ်စုတို့တွင် ပန်းခင်းစီမံချက်ဖြင့် အိမ်ထောင်စုလူဦးရေစာရင်းနှင့် နိုင်ငံသားစိစစ်ရေးကတ်ပြားများ ပြုလုပ်ပေးအပ်ခြင်းကို ဆက်လက် ဆောင်ရွက်ပေးသွားမည်ဖြစ်ကြောင်း လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန မြို့နယ်ဦးစီး မှူးရုံးက သိရသည်။
သတင်း - ဝေယံဖြိုး
https://t.me/MyanmarNationalPost
www.mnpnewsagency.com
ليست هناك تعليقات:
إرسال تعليق