တွံတေး၊ နိုဝင်ဘာ ၁၆
ရန်ကုန်တိုင်းဒေသကြီး၊ ရန်ကုန်တောင်ပိုင်းခရိုင်၊ တွံတေးမြို့နယ်တွင် အသက် ၄၅ နှစ်ပြည့်ပြီးသူများ အား (Phase-4) ကိုဗစ်-၁၉ ရောဂါ ကာကွယ်ဆေး (ပထမအကြိမ်)ကို သက်ဆိုင်ရာစုရပ်များအလိုက် ယနေ့ နံနက် ၉ နာရီအချိန်မှ စတင်ကာ ဒုတိယနေ့အဖြစ် အောင်ဆန်းသူရိယအေးချိုခန်း၌ ထိုးနှံပေး လျက်ရှိကြောင်း သိရသည်။
ကိုဗစ်-၁၉ ကာကွယ်ဆေး ထိုးနှံရာတွင် အသက်(၄၅)နှစ်ပြည့်ပြီးသူများ၊ ကိုဗစ်-၁၉ ရောဂါ ကာကွယ်ဆေး မထိုးနှံရသေးသူများ၊ အစိုးရ ကျန်းမာရေး ဝန်ထမ်းများ၊ ပုဂ္ဂလိက ကျန်းမာရေး ဝန်ဆောင်မှု လုပ်ငန်းများ၊ စေတနာ့ဝန်ထမ်းများ၊ ပရဟိတဝန်ထမ်းများ၊ သံဃာတော်များ၊ သီလရှင်များ၊ သာသနာ့ဝန်ထမ်းများ၊ နိုင်ငံ့ဝန်ထမ်းများ၊ ယာဉ်မောင်းဆရာများ၊ ယာဉ်နောက်လိုက်များ၊ ဆိုက်ကား ဆရာများ၊ (ပုဂ္ဂလိက သယ်ယူပို့ဆောင်ရေး လုပ်ငန်းမှဝန်ထမ်းများ)၊ ပုဂ္ဂလိကဘဏ်နှင့် ငွေကြေး ဝန်ဆောင်မှုလုပ်ငန်းများ၊ အခြားဝင်ငွေရရှိသော လုပ်ငန်းလုပ်ကိုင် သူများ၊ စားသောက်ကုန် ပစ္စည်း ရောင်းချသူများ၊ စားသောက်ဆိုင် လ္ဘက်ရည်ဆိုင်ရှိ ဝန်ထမ်းများ၊ ဈေးသည်များနှင့် မသန်စွမ်းများအား ယမန်နေ့က (၅၁၈)ဦးကို ထိုးနှံပေးခဲ့ကြောင်း သိရသည်။
အဆိုပါ ကာကွယ်ဆေးထိုးခြင်းလုပ်ငန်းကို မြို့နယ်အားကစားခန်းမ အောင်ဆန်းသူရိယအေးချိုခန်းမ တွင် မြို့ပေါ်(၈)ရပ်ကွက်များနှင့် ကျေးရွာ များမှ အသက် ၄၅ နှစ်ပြည့်ပြီးသူများအား (Phase-4) ကိုဗစ်- ၁၉ ရောဂါ ကာကွယ်ဆေး (SINOPHARM) ပထမအကြိမ် စတင်ထိုးနှံပေး လျက်ရှိကြောင်း သိရသည်။
https://t.me/MyanmarNationalPost
www.mnpnewsagency.com
ليست هناك تعليقات:
إرسال تعليق