MNP - ဇန်နဝါရီ ၆
မကွေးတိုင်းဒေသကြီး၊ ရေနံချောင်းမြို့နယ်၌ အသက်နှစ်လမှ တစ်နှစ်ခွဲအရွယ် ကလေး များအား ပုံမှန်ကာကွယ်ဆေးထိုး ဆေးတိုက်ခြင်း လုပ်ငန်းကို ယမန်နေ့ နံနက် ၉ နာရီက ရေနံချောင်းမြို့ ရွာသစ်ရပ်ကွက်ရှိ မြို့နယ်မိခင်နှင့်ကလေး ကျန်းမာရေးဌာနရုံး၌ ဆောင်ရွက်ခဲ့ကြောင်း သိရသည်။
အဆိုပါ ပုံမှန်ကာကွယ်ဆေးထိုး ဆေးတိုက်ခြင်း ဆောင်ရွက်ရာတွင် မြို့နယ်ပြည်သူ့ ဆေးရုံအုပ်ကြီး ဒေါက်တာဆန်းထွန်း ဦးဆောင်၍ မြို့နယ်မိခင်နှင့်ကလေး ကျန်းမာရေးဌာန အမျိုးသမီး ကျန်းမာရေးဆရာမ ဒေါ်ကေသီမော်နှင့် ဆရာမများက ငါးမျိုးစပ် ကာကွယ်ဆေး ဖြစ်သည့် ဆုံဆို့-ကြက်ညှာ-မေးခိုင်-အသည်းရောင် အသားဝါ(ဘီ)-ဦးနှောက်အမြှေးရောင်ရောဂါ ကာကွယ်ဆေးနှင့် ပိုလီယိုကာကွယ်ဆေး၊ ပြင်းထန် အဆုတ်ရောင် (ပီစီဗီ)ကာကွယ်ဆေး၊ ဝက်သက်-ဂျိုက်သိုးကာကွယ်ဆေးတို့ကို အသက် နှစ်လအရွယ်မှ တစ်နှစ်ခွဲအရွယ်ကလေး ငယ်များကို ထိုးနှံပေးခြင်းဖြစ်ကြောင်း သိရသည်။
https://t.me/MyanmarNationalPost
www.mnpnewsagency.com
No comments:
Post a Comment