MNP - မေ ၃
ပဲခူးတိုင်းဒေသကြီး၊ ပြည်ခရိုင်၊ ပန်းတောင်းမြို့နယ် ဆင်တဲအုပ်စုတွင် အောင်ချမ်းသာကွက်သစ်၌ မေ ၃၀ ရက်ညနေ့ပိုင်းအချိန်တွင် လေပြင်းများ တိုက်ခတ်သဖြင့် ကြက်ခြေနီအသင်းမှ ကယ်ဆယ်ရေးပစ္စည်းများကို ယမန်နေ့ နေ့လယ်ပိုင်းက သွားရောက် လှူဒါန်းခဲ့ကြောင်း သိရသည်။
ပန်းတောင်းမြို့နယ်ဆင်တဲအုပ်စု အောင်ချမ်းသာကွက်သစ်တွင် နေအိမ်(၁၈)လုံး အမိုးလန်ခြင်း/ နေအိမ်(၅)လုံးပြိုကျပျက်စီးခဲ့ကြောင်း သိရသည်။
အဆိုပါသဘာဝဘေးအန္တရာယ်ကြောင့် ပြိုကျပျက်စီးသွားသော နေအိမ်(၅)လုံး၏ မိသားစုဝင်များအား မြန်မာနိုငံကြက်ခြေနီအသင်းကြီးမှ လှူဒါန်းပေးသော ကယ်ဆယ်ရေးပစ္စည်း(၁၈)မျိုးပါ အနီရောင်ပုံးတစ်ပုံးနှင့် သောက်ရေသန့်ပုံး တစ်ပုံးစီကို ပန်းတောင်းမြိုနယ် ကြက်ခြေနီ အသင်းမှ တာဝန်ရှိသူများမှ သွားရောက်လှူဒါန်းကာ နှစ်သိမ့်အားပေးစကားများ ပြောကြားခဲ့ကြောင်း သိရသည်။
သတင်း - သင်းသင်းအေး
မြန်မာနေရှင်နယ်ပို့စ်
No comments:
Post a Comment