MNP - ဒီဇင်ဘာ ၁၃
ကရင်ပြည်နယ်အစိုးရအဖွဲ့ ပြည်နယ်ဝန်ကြီးချုပ်ဦးစောမြင့်ဦးသည် ပြည်နယ်အစိုးရအဖွဲ့ဝင် ဝန်ကြီးများ၊ ဌာနဆိုင်ရာတာဝန်ရှိသူများလိုက်ပါ၍ ယမန်နေ့ နံနက်ပိုင်းက ဘားအံခရိုင်၊ လှိုင်းဘွဲမြို့နယ်၊ ထီလုံ-တာပေါင်-ပတလမ်းပိုင်းနှင့် လှိုင်းဘွဲ-ပိုင်ကျုံလမ်းပိုင်း တိုးချဲ့အဆင့်မြှင့်တင် ခြင်းလုပ်ငန်းများအား ကြည့်ရှုစစ်ဆေးခဲ့ကြသည်။
ဦးစွာ ပြည်နယ်ဝန်ကြီးချုပ်နှင့်အဖွဲ့သည် ဘားအံ-လှိုင်းဘွဲလမ်း ၁၇ ဒဿမ ၇၀၃ ကီလိုမီတာမှ ၂၁ ကီလိုမီတာ အထိ ၃ ဒဿမ ၂၉၇ ကီလို မီတာအား ရွှေရောင်လွင်ပြင်ကုမ္ပဏီနှင့်လမ်းဦးစီးဌာနတို့မှ ၅ ဒဿမ၅ မီတာအကျယ် မူလကတ္တရာလမ်းအား ၇ ဒဿမ ၃၁ မီတာ အကျယ်သို့ ကတ္တရာလမ်း တိုးချဲ့အဆင့်မြှင့်တင်ခြင်းလုပ်ငန်း ၇၀ ရာခိုင်နှုန်းခန့် ဆောင်ရွက်ပြီးစီးသည့်အခြေအနေ၊ ထီလုံ-တာပေါင်-ပတ-နဘူး-ကော့ကရိတ်(တံတားကျိုး)လမ်း ၁၁ ဒဿမ ၉၁၅ ကီလိုမီတာမှ ၂၀ ဒဿမ ၁ ကီလိုမီတာအတွင်း ၈ ဒဿမ ၁၈၅ ကီလိုမီတာအား လမ်းအထူးအဖွဲ့ ၂၂ မှ မူလကတ္တရာလမ်း ၃ ဒဿမ ၆၆ မီတာအား ၅ ဒဿမ ၅ မီတာအကျယ်ကတ္တရာလမ်းတိုးချဲ့အဆင့်မြှင့်တင်ခြင်း လုပ်ငန်း ၆၀ ရာခိုင်နှုန်းခန့်ဆောင်ရွက်ပြီးစီးမှုအခြေအနေများကို ကြည့်ရှုစစ်ဆေးရာ ပြည်နယ်လမ်းဦးစီးဌာန ညွှန်ကြားရေးမှူးဦးအောင်ညို၊ လမ်းအထူးအဖွဲ့ ၂၂ မှ ဒုတိယညွှန်ကြားရေးမှူးဦးအောင်နိုင်တို့က လမ်းတိုးချဲ့အဆင့်မြှင့်တင်ခြင်းလုပ်ငန်းဆောင်ရွက်မှုအခြေအနေများကို ရှင်းလင်းတင်ပြကြပြီး ပြည်နယ်ဝန်ကြီးချုပ်က သတ်မှတ်စံချိန် စံနှုန်းများနှင့်အညီ အချိန်မီပြီးစီးနိုင်ရေး လမ်းညွှန်မှာ ကြားခဲ့သည်။
ယင်းနောက် ထီလုံ-တာပေါင်-ပတ-နဘူး-ကော့ကရိတ်(တံတားကျိုး) လမ်း ၂၀ ဒဿမ ၁ ကီလိုမီတာ မှ ၃၃ ဒဿမ ၅ ကီလိုမီတာအတွင်း ၁၃ ဒဿမ ၄ ကီလိုမီတာအား လမ်းအထူးအဖွဲ့ ၂၂ ၏ ကြီးကြပ် မှုဖြင့် ဒေါနအလင်းတန်းကုမ္ပဏီနှင့်ဝေဇယံကုမ္ပဏီတို့မှ မူလကတ္တရာလမ်း ၃ ဒဿမ ၆၆ မီတာ အကျယ်အား ၅ ဒဿမ ၅ မီတာအကျယ် ကတ္တရာလမ်းတိုးချဲ့အဆင့်မြှင့်တင်ခြင်းလုပ်ငန်း ၆၀ ရာခိုင်နှုန်းခန့် ဆောင် ရွက်ပြီးစီးမှုအခြေအနေများအား ကြည့်ရှုစစ်ဆေးခဲ့ကြသည်။
ထို့နောက် ပြည်နယ်ဝန်ကြီးချုပ်နှင့်အဖွဲ့သည် လှိုင်းဘွဲမြို့နယ်၊ ကော့ပေါကျောင်းတိုက်ဆရာတော် ဘဒ္ဒန္တပဏ္ဍာဝံသနှင့်ဘဒ္ဒန္တကေသရတို့အား သွားရောက်ဖူးမြော်ကြည်ညို၍ သာသနာရေးဆိုင်ရာများနှင့် ဒေသဖွံ့ဖြိုးရေး ဆိုင်ရာများအား လျှောက်ထားတင်ပြကာ လှူဖွယ်ဝတ္ထုပစ္စည်းများနှင့်နဝကမ္မ အလှူငွေများ ဆက်ကပ်လှူဒါန်းခဲ့ကြသည်။
ဆက်လက်၍ ပြည်နယ်ဝန်ကြီးချုပ်နှင့်အဖွဲ့သည် ထီလုံ-တာပေါင်-ပတ-နဘူး-ကော့ကရိတ် (တံတားကျိုး)လမ်းပေါ်ရှိ တံတားအမှတ် ၂/၃၀ ပေ(၈၀) သံကူကွန်ကရစ်တံတားတည်ဆောက်ခြင်းအား တံတားအထူးအဖွဲ့ ၁၄ မှ ၅၂ ရာခိုင်နှုန်းခန့် ဆောင်ရွက်ပြီးစီးမှုအခြေအနေ၊ အဆိုပါလမ်းပေါ်ရှိ တံတားအမှတ် ၅/၃၀ ပေ ၁၂၀ အရှည် သံကူကွန်ကရစ်တံတားတည်ဆောက်ခြင်းအား တံတား အထူးအဖွဲ့(၁၄)မှ ၄၀ ရာခိုင်နှုန်းခန့် ဆောင်ရွက်ပြီးစီးမှုအခြေအနေများကို ကြည့်ရှုစစ်ဆေးရာ လမ်းဦးစီးဌာနညွှန်ကြားရေးမှူးနှင့် တံတားအထူးအဖွဲ့ ၁၄ လက်ထောက်ညွှန်ကြား ရေးမှူးဦးဝေဖြိုးတို့က လုပ်ငန်းဆောင်ရွက်မှုအခြေအနေများကို ရှင်းလင်းတင်ပြကြပြီး ပြည်နယ်ဝန်ကြီးချုပ်က လိုအပ် သည်များလမ်းညွှန်မှာကြားသည်။
ထို့နောက် ပြည်နယ်ဝန်ကြီးချုပ်နှင့်အဖွဲ့သည် လှိုင်းဘွဲ-ပိုင်ကျုံလမ်း ၄ ကီလိုမီတာမှ ၁၉ ကီလိုမီတာအတွင်း စုစုပေါင်း ၈ ဒဿမ ၃၂၉ ကီလိုမီတာအား ဘားအံခရိုင်၊လမ်းဦးစီးဌာန၏ ကြီးကြပ်မှုဖြင့် Thor Latt ကုမ္ပဏီနှင့် ဟိလာအောင်ကုမ္ပဏီတို့မှ မူလ ၁၂ ပေအကျယ်လမ်းအား ပေ ၄၀ အကျယ်ချဲ့ မြေသားတာဘောင်ဖို့တင်ခြင်းလုပ်ငန်း ၇၅ ရာခိုင်နှုန်းဆောင်ရွက်ပြီးစီးမှုအခြေအနေအား ကြည့်ရှုစစ်ဆေးခဲ့ပြီး လိုအပ်သည်များလမ်းညွှန်မှာကြားခဲ့ကြောင်း သိရသည်။
သတင်း - စောမျိုးမင်းသိန်း
မြန်မာနေရှင်နယ်ပို့စ်
ليست هناك تعليقات:
إرسال تعليق