MNP ၊ ဒီဇင်ဘာ ၁၅
ရခိုင်ပြည်နယ်၊ ရမ်းဗြဲမြို့၌ ယနေ့တွင်ကျရောက်သည့်(၄၈)နှစ်မြောက် ရခိုင်ပြည်နယ်နေ့အခမ်းအနားကို နံနက် ၈ နာရီအချိန်က အထွေထွေအုပ်ချုပ်ရေးဦးစီးဌာန၊ ရမ္မာဝတီခန်းမ၌ကျင်းပရာ အခမ်းအနားသို့ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့် အဖွဲ့ဝင်များ၊ ဌာနဆိုင်ရာများ၊ လူမှုရေးအသင်းအဖွဲ့များ၊ မြို့မိမြို့ဖများ၊ ဆရာ/ဆရာမများနှင့် ကျောင်းသား/ကျောင်းသူများတက်ရောက်ခဲ့ကြသည်။
အခမ်းအနားတွင် ရှေ့ဦးစွာ နိုင်ငံတော်စီမံအုပ်ချုပ်ရေးကောင်စီဥက္ကဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် ထံမှပေးပို့သော (၄၈)နှစ်မြောက်ရခိုင်ပြည်နယ်နေ့ အထိမ်းအမှတ် သဝဏ်လွှာအား ရမ်းဗြဲမြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးခင်မောင်သန်းကဖတ်ကြားပြီးနောက် အမှတ်(၁)အခြေခံပညာအထက် တန်းကျောင်းနှင့်အမှတ် (၂)အခြေခံပညာအထက်ကျောင်းမှ ကျောင်းသူလေးများက ရခိုင်ရိုးရာသီချင်းယိမ်းအကများဖြင့် ကပြဖြေဖျော်ကြသည်။
ဆက်လက်ပြီး(၄၈)နှစ်မြောက်ရခိုင်ပြည်နယ်နေ့အထိမ်းအမှတ်အဖြစ်အထက်တန်းအဆင့်၊အလယ်တန်းအဆင့်ပန်းချီ၊ စာစီစာကုံးပြိုင်ပွဲနှင့် အားကစားပြိုင်ပွဲအသီးသီးတို့တွင် ဆုရရှိကြသူများနှင့်(၂၃)ကြိမ်မြောက် ဆို က ရေး တီး ပြိုင်ပွဲတွင် ဗဟိုအဆင့်၊ ပြည်နယ်အဆင့်တို့တွင် ဒုတိယဆုရရှိသူ ရမ်းဗြဲမြို့နယ်ကိုယ်စားပြု ကိုမိုးစည်အောင်အား ဆုချီးမြှင့်ပေးကြသည်။ ဆက်လက်၍ ရမ္မာဝတီ RSUM လူငယ်တေးဂီတအဖွဲ့မှ ရခိုင်တေးသီချင်းများဖြင့်ဖြေဖျော်ပေးကြသည်။
၎င်းနောက် ဌာနဆိုင်ရာများမှ ရခိုင်ရိုးရာ ဒေသထွက်မုန့်များဖြင့်ဧည့်ခံပေးကြရာ အခမ်းအနားသို့တက်ရောက်လာ
ကြသော မြို့နယ်စီမံအုပ်ချုပ်ရေးအဖွဲ့ဥက္ကဌနှင့် အဖွဲ့ဝင်များက လှည့်လည်အားပေးကြည့်ရှုကြပြီး အခမ်းအနားသို့တက်လာကြသောပရိတ်များက ဌာနဆိုင်ရာများမှ ဧည့်ခံကျွေးမွေးပေးသောမုန့်များကို ပျော်ပျော်ပါးပါးစားသောက်ကြကြေင်းသိရသည်။
အောင်နိုင်
https://t.me/MyanmarNationalPost
ليست هناك تعليقات:
إرسال تعليق