MNP ၊ ဩဂုတ် ၄
တနင်္သာရီတိုင်းဒေသကြီး၊ ဘုတ်ပြင်းခရိုင်၊ ကရသူရိမြို့၌ မွေးကင်းစမှအသက်(၂)နှစ်အောက် ကလေးသူငယ်များအား ကာကွယ်ဆေးတိုက်ကျွေး/ ထိုးနှံခြင်းကို ယမန်နေ့ နံနက် ၉ နာရီက မြို့ပြည်သူ့ကျန်းမာရေးဦးစီးဌာန၊ ကျေးလက်ကျန်းမာရေးဌာနခွဲရုံး၌ ဆောင်ရွက်ခဲ့ကြောင်း သိရသည်။
ထို့သို့ ဆောင်ရွက်ခြင်းကို ကရသူရိမြို့ ကျေးလက်ကျန်းမာရေးဌာနခွဲမှ ဝန်ထမ်းများက ကလေးသူငယ်များအား ကိုယ်အပူချိန် တိုင်းတာခြင်း၊ စာရင်းရေးသွင်းခြင်း၊ မွေးကင်းစမှ အသက်(၂) နှစ်အောက် ကလေးသူငယ်များကို ဆုံဆို့၊ ကြက်ညှာချောင်းဆိုး၊ အသည်းရောင်အသားဝါ(ဘီ)၊ ပိုလီယို၊ ဦးနှောက်အမြှေးရောင်ရောဂါ စသည့် (ငါးမျိုးစပ်ကာကွယ်ဆေး)၊ ပြင်းထန်အဆုတ်ရောင်(ပီစီဗီ) ဝက်သက်ဂျိုက်သိုး၊ ပိုလီယိုအစက်ချဆေး တိုက်ကျွေးခြင်းနှင့် ဆေးထိုးနှံပေးခြင်းတို့ ဆောင်ရွက်ပြီး ကျန်းမာရေးအသိပညာပေး ဆောင်ရွက်ခဲ့ကြောင်း သိရသည်။
အဆိုပါ ကာကွယ်ဆေးထိုးနှံခြင်းကို သြဂုတ်လ ၃ရက်နေ့မှ ၆ ရက်နေ့ထိ ကျေးလက်ကျန်းမာရေးဌာနခွဲ၌ ဆက်လက်ထိုးနှံပေးသွားမည်ဖြစ်ကြောင်း သိရသည်။
https://t.me/MyanmarNationalPost
ليست هناك تعليقات:
إرسال تعليق