ရွှေတောင် မေ-၅
ပဲခူးတိုင်းဒေသကြီးအစိုးရအဖွဲ့ ၊လုံခြုံရေးနှင့် နယ်စပ် ရေးရာဝန်ကြီး ဗိုလ်မှူးကြီး အောင်သောင်းထိုက်သည် တိုင်းဒေသကြီး ၊ခရိုင်၊မြို့နယ် အဆင့် ဌာနဆိုင်ရာအကြီးအကဲများ လိုက်ပါ၍ ယမန်နေ့ ညနေပိုင်းက ရွှေတောင်မြို့နယ်အတွင်းရှိ ဒေသဖွံ့ဖြိုးရေးလုပ်ငန်းများအား ကွင်းဆင်းကြည့်ရှုစစ်ဆေးခဲ့ကြောင်းသိရသည်။
ထိုသို့ ကြည့်ရှုစစ်ဆေးရာတွင် ရွှေတောင်မြို့နယ် ၊ ကြို့ကုန်းကျေးရွာအုပ်စု၊ ကွင်းအမှတ် (၄၁၇A) ကွင်းအတွင်းရှိ တောင်သူ ဦးလင်းလင်း၏ ဗီယမ်နမ်စပါးမျိုး မျိုးသန့်မျိုးထုတ်နည်းဖြင့် (၇)ဧက နှင့် Drum Seeder နည်းဖြင့် (၆)ဧက စုစု ပေါင်း (၁၃)ဧက စံပြကွက် အောင်မြင်ဖြစ်ထွန်းမှု အခြေအနေအား ကွင်းဆင်း ကြည့်ရှု စစ်ဆေးခဲ့သည်။
ဆက်လက်၍ ပဲခူးတိုင်းဒေသကြီးအစိုးရအဖွဲ့ ၊လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး အောင်သောင်းထိုက်သည် ဝါးတောကျေးရွာအုပ်စု နှင့် မီးလောင် ကျေးရွာအုပ်စု၊ ကွင်းအမှတ် (၄၄၈ ၊ ၄၄၉)ရှိ ဆည်ကြီးကုန်း ဆည်ရေဖြင့် ဒေသခံတောင်သူများမှ နွေနှမ်း (ဂွကြောနက်မျိုး) (၁၂၄)ဧက စိုက်ပျိုးထားရှိမှုနှင့် အောင်မြင်ဖြစ်ထွန်းနေမှု အခြေအနေများအား ကွင်းဆင်း ကြည့်ရှုစစ်ဆေးခဲ့ပြီး လုပ်ငန်းလိုအပ်အပ်ချက်များအပေါ် တာဝန်ရှိသူများအား လမ်းညွှန်မှာကြားခဲ့ကြောင်း သိရသည်။
https://t.me/MyanmarNationalPost
ليست هناك تعليقات:
إرسال تعليق