သထုံ၊ မေ ၆
မွန်ပြည်နယ်၊ သထုံမြို့နယ်တွင် လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ မြို့နယ်ဦးစီးမှူးရုံးမှ ပန်းခင်းစီမံချက်အဆင့် (၃) ဖြင့် အိမ်ထောင်စုလူဦးရေစာရင်းနှင့် နိုင်ငံသားစိစစ်ရေးကတ်ပြားများ ကွင်းဆင်းဆောင်ရွက်ပေးလျှက်ရှိရာ ယနေ့နံနက်က သထုံမြို့၊ ဘင်လှိုင်ရပ်ကွက်၌ ဆောင်ရွက်ပေးခဲ့ကြောင်း သိရသည်။
ကွင်းဆင်းဆောင်ရွက်ရာတွင် လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ သထုံခရိုင်ဦးစီးမှူး ဦးမောင်မောင်မြင့်၏ အနီးကပ်ကြီးကြပ်မှုဖြင့် သထုံမြို့နယ်ဦးစီးမှူးရုံးမှ ဝန်ထမ်းများက အသက်(၁၀)နှစ်ပြည့်ပြီးသူ (၂၈) ဦး၊ အသက်(၁၈)နှစ်ပြည့်သူ (၁၉) ဦး၊ နိုင်ငံသားစိစစ်ရေးကတ်ပြားလဲလှယ်သူ (၂၄) ဦး၊ နိုင်ငံသားစိစစ်ရေးကတ်ပြားပျောက်ဆုံး၊ ပျက်စီးမိတ္တူပြုလုပ်သူ (၂၃) ဦး၊ စုစုပေါင်း (၉၄) ဦးတို့အား နိုင်ငံသားစိစစ်ရေးကတ်ပြားပြုလုပ်ပေးခဲ့ကြပြီး အိမ်ထောင်စု (၂၀) စုတို့အား အိမ်ထောင်စုလူဦးရေစာရင်း ဆောင်ရွက်ပေးခဲ့ကာ (Biometric)ကောက်ယူခြင်းလုပ်ငန်းများလည်း ဆောင်ရွက်ပေးခဲ့ကြကြောင်း သိရသည်။
Join - https://t.me/MyanmarNationalPost
ليست هناك تعليقات:
إرسال تعليق