ဟင်္သာတ၊ ဇန်နဝါရီ ၁၉
ဧရာဝတီတိုင်းဒေသကြီး၊ ဟင်္သာတခရိုင်၊ ယုန်သလင်းကျေးရွာ အခြေခံပညာအထက်တန်းကျောင်းတွင် ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ စားသုံးသူရေးရာဦးစီးဌာနနှင့် အားကစားနှင့် ကာယပညာဦးစီးဌာနတို့ ပူးပေါင်း၍ နယ်လှည့်အသိပညာပေးဟောပြောပွဲကို ယမန်နေ့ နံနက် ၁၀ နာရီတွင် အဆိုပါကျောင်းခန်းမ၌ ပြုလုပ်ခဲ့သည်။
အခမ်းအနားတွင် ယုန်သလင်း အ.ထ.ကကျောင်းအုပ်ဆရာမကြီးကိုယ်စား ဆရာမဒေါ်ရွှေဇင်ထိုက်မှ ဟောပြောပွဲကျင်းပရခြင်းရည်ရွယ်ချက်များကို အဖွင့်ပြောကြားခဲ့ပြီးနောက် စားသုံးသူရေးရာဦးစီးဌာနမှ မြို့နယ်ဦးစီးမှူး ဦးမိုးကျော်က "စားသုံးသူကာကွယ်ရေးနှင့် ပတ်သက်၍ စားသုံးသူ ဥပဒေများသိကောင်းစရာ" ခေါင်းစဉ်များဖြင့် ဟောပြောခဲ့ပါသည်။
ထို့နောက် ဟင်္သာတခရိုင် ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်အေးအေးမာက "လူမျိုးမြှင့်ဖို့ စာဖတ်စို့" ခေါင်းစဉ်ဖြင့် လည်းကောင်း၊ အားကစားနှင့် ကာယပညာဦးစီးဌာနမှ မြို့နယ်ဦးစီးမှူ ဒေါ်ဖြိုးစန္ဒာဝင်းက လူငယ်နှင့်အားကစားအကြောင်း သိကောင်းစရာများကိုလည်းကောင်း အသီးသီး ဟောပြောခဲ့ကြသည်။
အဆိုပါ ဟောပြောပွဲအပြီးတွင် ပြန်ကြာရေးနှင့်ပြည်သူ့ဆက်ဆံရေးဦးစီးဌာနမှ ကျောင်းစာကြည့်တိုက် အတွက် စာအုပ်များလှူဒါန်းခဲ့ပြီး အားကစားနှင့်ကာယပညာဦးစီးဌာနက ကျောင်းသား/သူများအတွက် ဘောလုံး၊ ခြင်းလုံးတို့ကို လှူဒါန်းခဲ့သည်။ ဟောပြောပွဲအပြီးတွင် ခရိုင်ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ပြသထားသော မူးယစ်ဆေးဝါး အသိပညာပေး နံရံကပ်စာစောင်များနှင့် လူကုန်ကူးမှု အသိပညာပေးနံရံကပ်စာစောင်တို့ကို တက်ရောက်လာသူများက လေ့လာကြည့်ရှု ခဲ့ကြကြောင်းသိရသည်။
Join - https://t.me/MyanmarNationalPost
ليست هناك تعليقات:
إرسال تعليق