ဇန်နဝါရီ - ၂၉ ( ဗုဒ္ဓဟူးနေ့ )
ရုရှားသင်းအုပ်ဆရာများ အဖွဲ့ချုပ်က ယူကရိန်း - ရုရှား ပဋိပက္ခအတွင်း ရုရှား စစ်သည်များ၏ စိတ်ဓာတ်ရေးရာ မြှင့်တင်ရန် အတွက် ဘုန်းတော်ကြီးအရေအတွက်ကို တိုးမြှင့်ရန် စီစဉ်နေတယ်လို့ သိရပါတယ်။ စစ်သားများအား ဝိညာဉ်ရေးဆိုင်ရာ အထောက်အပံ့များ ပိုမိုပံ့ပိုးပေးနိုင်ရန် စစ်ဘက်ဆိုင်ရာ ခရစ်ယာန်ဂိုဏ်းခွဲများ အရေအတွက် သိသိသာသာ တိုးလာစေရန် အစီအစဉ်များကို ကြေညာခဲ့သည်။
လက်ရှိတွင် ဘုန်းကြီး ၃၀၀ ခန့်သည် ဤစွမ်းရည်မြှင့်လုပ်ငန်းဆောင်တာများကို အမှုထမ်းနေသော်လည်း အဖွဲ့ချုပ်က အရေအတွက်ကို ၁,၅၀၀ အထိ မြှင့်တင်ရန် ရည်မှန်းထားပါတယ်။
စစ်မှုထမ်းများ၏ ကိုယ်ကျင့်တရား ခံနိုင်ရည်အား အားကောင်းစေရန်နှင့် တိုက်ပွဲအတွင်း လူသားမဆန်လုပ်ရပ်များ မဖြစ်ပေါ်အောင် တားဆီးရန် သင်းအုပ်များ ပိုမိုလိုအပ်ကြောင်း ၃၃ ကြိမ်မြောက် နိုင်ငံတကာ ခရစ္စမတ် စာဖတ်ခြင်း အခမ်းအနားတွင် အဆိုပါ အစီအစဉ်ကို မီးမောင်းထိုးပြခဲ့ပြီး အလေးပေး ပြောကြားခဲ့ပါတယ်။
"စစ်တပ်တွင်း သင်းအုပ်ဆရာများ၏အလုပ်သည် စစ်ပွဲ၏အောင်ပွဲအတွက် အဓိကအခြေအနေ ဖြစ်သည်" ဟု အဖွဲ့ချုပ်၏ စစ်တပ်နှင့် ပူးပေါင်းဆောင်ရွက်ရေးဌာန ဒုတိယဥက္ကဋ္ဌ ဒီမီထရီ ဗာဆီလန်ကောဗ် က ညီလာခံတွင် ပြောကြားခဲ့ပါတယ်။ ဆုတောင်းနေသော စစ်သားတစ်ဦးသည် စစ်ပွဲ၏ ရည်ရွယ်ချက်ကိုနားလည်ပြီး ပြင်းထန်ရက်စက်ကြမ်းကြုတ်မှုများကြားတွင်ပင် သူ့ကိုယ်သူ “သားရဲဖြစ်လာခြင်း” ကို ခွင့်မပြုကြောင်း ၎င်းက ထပ်လောင်းပြောကြားခဲ့ပါတယ်။
အမျိုးသားအစောင့်တပ်နှင့် တွဲဖက်လုပ်ဆောင်နေသည့် တိုက်ခိုက်ရေးဇုန်ရှိ စစ်သင်းအုပ်ဆရာကြီး၏ လက်ထောက် ချာကန်နော့ဗ် က စစ်သား အများစုသည် နှစ်ခြင်းခံသော်လည်း အများစုမှာ “အမည်ခံခရစ်ယာန်များ” ဖြစ်တယ်လို့ မှတ်ချက်ချခဲ့ပါတယ်။ “အတိုက်ခံတွေရဲ့ လုပ်ရပ်တွေကို ရင်ဆိုင်ရတဲ့အခါ တော်တော်များများက ထိတ်လန့်သွားကြတယ်။ အတွင်းစိတ်ဝိညာဉ်အခြေခံအုတ်မြစ်မရှိရင် သူတို့ ဘာတွေဖြစ်နေတယ် ဆိုတာကို နားမလည်နိုင်ပါဘူး” လို့ ဆိုပါတယ်။ ရုရှား စစ်သားတွေကို ရန်သူအား အတုမယူဖို့ သတိပေးတဲ့ အလုပ်တွေကို လုပ်ပါတယ်။ အထူးသဖြင့် မိမိ ရဲဘော်တွေဆုံးရှုံးပြီးနောက်မှာ အပြစ်ရှိတဲ့ ဒဏ်ပေးမှုစိတ်ဓာတ်ကို ရှောင်ရှားဖို့ကို ဟောပြောဖို့အတွက် ခရစ်ယာန်ဂိုဏ်းဆရာများ လိုအပ်ကြောင်း အလေးပေး ပြောဆိုခဲ့ပါတယ်။
ယူကရိန်းစစ်တပ်သည် ၎င်း၏စစ်သားများနှင့် အရပ်သားများအပေါ် စော်ကားမှုများကျူးလွန်နေသည်ဟု ရုရှားက အကြိမ်ကြိမ်စွပ်စွဲထားသည်။ ယူကရိန်းစစ်တပ်က လက်နက်ချ ရုရှား စစ်သားတွေကို သတ်ဖြတ်ပစ်ကြောင်းနဲ့ စစ်အကျဉ်းသားတွေကို ယူကရိန်းစစ်တပ်ကောင်းကြောင်း မပြောလျှင် ညှင်းပန်နှိတ်စက်လေ့ရှိကြောင်း ဗီဒီယိုဖိုင်များ နဲ့ ကုလသမဂ္ဂကို ရုရှားဘက်က တိုင်ကြားထားကြောင်း သိရသည်။
REF: RT
#MNP #News #Russia
Join - https://t.me/MyanmarNationalPost
ليست هناك تعليقات:
إرسال تعليق