ဇန်နဝါရီ - ၂၆ ( စနေနေ့ )
လက်ရှိက တစ်ကွိုင်ကို ကန်ဒေါ်လာ ၁သိန်းကျော်ပေါက်နေတဲ့ ခရစ်ပတိုကွိုင်တစ်မျိုးဖြစ်တဲ့ ဘစ်ကွိုင်နဲ့ပတ်သက်ပြီး ကမ္ဘာ့အကြီးဆုံးပိုင်ဆိုင်မှု စီမံခန့်ခွဲမှုကုမ္ပဏီ BlackRock ၏အကြီးအကဲ လာရီဖင့်က အဖွဲ့အစည်းတွေနဲ့ ပတ်သက်နေတဲ့ ရင်းနှီးမြုပ်နှံသူတွေကို သူတို့ရဲ့ အရင်းအနှီးတွေကို ၂ % ကနေ ၅% အထိ ဘစ်ကွိုင်သုံးပြီး ပေးချေမှုတွေလုပ်မယ်ဆိုရင် ဘစ်ကွိုင် တစ်ကွိုင်ကို ကန်ဒေါ်လာ ၇ သိန်းအထိ တက်သွားနိုင်တယ်လို့ ခန့်မှန်းလိုက်ပါတယ်။
ဘစ်ကွိုင် က ၂၀၂၄ ခုနှစ်မှာ ဈေးနှုန်း ၁၂၁% ခုန်တက်သွားပြီး ဒီဇင်ဘာလတွင် အမြင့်ဆုံး ကန်ဒေါ်လာ ၁၀၈၁၃၅ သို့ရောက်ရှိခဲ့ပြီး အမေရိကန်သမ္မတ ဒေါ်နယ်ထရမ့် ကျမ်းသစ္စာကျိန်ဆိုပြီးနောက် အဲ့ဒိနေ့ မှာပဲ ကန်ဒေါ်လာ ၁၀၉၂၂၅ အထိ စံချိန်တင် တက်သွားပါတယ် ။ ထရမ့်က အမေရိကန်ကိုကမ္ဘာ့ "crypto မြို့တော်" အဖြစ်သတ်မှတ်ရန်နှင့် အမျိုးသား ဘစ်ကွိုင် အရန်ထားရှိရန် အစီအစဉ်များကိုယခင်က ကြေညာခဲ့ဖူးပါတယ်။
ဖရင့်က ငွေကြေးအကာအရံအဖြစ် ဘသ်ကွိုင်ရဲ့ အလားအလာကို မီးမောင်းထိုးပြကာ ကမ္ဘာ့အကြီးဆုံး ခရစ်ပတိုငွေကြေးဖြစ်လာနိုင်တယ်လို့ လည်း ဆိုပါတယ်။ "သင့်ရဲ့ငွေကြေးကျဆင်းမှုကို သင်ကြောက်ရွံ့နေပါက သို့မဟုတ် သင့်နိုင်ငံ၏စီးပွားရေး သို့မဟုတ် နိုင်ငံရေးတည်ငြိမ်မှုကို သင်ကြောက်ရွံ့နေပါက၊ သင့်တွင် ထိုပြည်တွင်းကြောက်လန့်မှုများကို ကျော်လွှားနိုင်မည့် နိုင်ငံတကာအခြေစိုက် ဘစ်ကွိင်လို့ခေါ်တဲ့ ကိရိယာတစ်ခုရနိုင်ပါတယ်"လို့ ဖရင့်ကပြောပါတယ် ။
ဘစ်ကွိုင်ကို ၂၀၀၉ခုနှစ်က စတင်ဖန်တီးခဲ့ပြီး သမားရိုးကျဘဏ်များ သို့မဟုတ် အစိုးရများကို အားကိုးခြင်းမရှိဘဲ လူများက အင်တာနက်မှတဆင့် ငွေပေးငွေယူလုပ်ငန်းလုပ်ကိုင်လို့ရ ခဲ့ပါတယ်။ ဘစ်ကွိုင်မှာ ဗဟိုချုပ်ကိုင်မှု လျှော့ချထားသော သဘောသဘာဝရှိတာကြောင့် ရာဇဝတ်ဂိုဏ်းများမှ အလွဲသုံးစားလုပ်မှုများနှင့် ငွေကြေးခဝါချမှုနှင့် အကြမ်းဖက်ငွေကြေးထောက်ပံ့မှုကဲ့သို့သော အခြားတရားမဝင်သော ရည်ရွယ်ချက်များအတွက်လည်း ကူညီဆောင်ရွက်ပေးနေခဲ့ပါတယ်။
ဘစ်ကွိုင်ဈေးနှုန်းက ရောင်းလိုအား၊ ဈေးကွက်ဝယ်လိုအား၊ ရရှိနိုင်မှု၊ ပြိုင်ဆိုင်သောအခြားကွိုင်များ နဲ့ ရင်းနှီးမြုပ်နှံသူများ၏ စိတ်အားထက်သန်မှုများအပေါ် အဓိကအားဖြင့် သက်ရောက်မှုရှိပါတယ်။
ကုန်စည်နှင့် ဝန်ဆောင်မှုများကို ဘစ်ကွိုင်နဲ့ ဝယ်ယူရာတွင် ကျယ်ကျယ်ပြန့်ပြန့် အသုံးပြုနေသော်လည်း ၎င်းကို ထိန်းချုပ်သည့် နိုင်ငံတကာဥပဒေများ မရှိပါ။ ဘစ်ကွိုင်ကို ၂၀၂၁ ခုနှစ်က အယ်လ်ဆာဗေဒိုနိုင်ငံ တွင် တရားဝင်ငွေကြေးအဖြစ် လက်ခံခဲ့ပါတယ်။
REF - RT
#MNP #News #American
Join - https://t.me/MyanmarNationalPost
ليست هناك تعليقات:
إرسال تعليق