ဇန်နဝါရီ - ၃၀ ( ဗုဒ္ဓဟူးနေ့ )
မြန်မာနိုင်ငံက ရေးမြိုနဲ့တည့်တည့် အရှေ့ဖက် ကီလိုမီတာ ၂၀၀ ကျော်၊ ဘန်ကောက်မြို့ မြောက်ဘက် ကီလိုမီတာ ၂၅၀ ကျော်ကျော်က ချိုင်းနက်ဒေသမှာ ၂၈-၁-၂၀၂၅ ရက်နေ့ညက တောမီးလောင်ကျွမ်းမှု ဖြစ်ခဲ့ပါတယ်။ လေပြင်းတိုက်ခတ်မှုကြောင့် တောမီးက အနီးအနားက လူနေအိမ်တွေကိုခြိမ်းခြောက်မှု ဖြစ်လာနေပါတယ်။ ရဲတွေကတော့ မီးရှို့တဲ့တရားခံကို ဖမ်းဆီးရမိထားတယ်လို ဆိုပါတယ်။
ချိုင်းနက်ခရိုင်ရှိ တောင်ပေါ်တွင် တောမီးလောင်ကျွမ်းမှုသည် အင်္ဂါနေ့ညနေအစောပိုင်းက ငြှိမ်းသတ်ပြီးနောက် မကြာမီတွင် ပြန်လည်စတင်ခဲ့ကြောင်း တာဝန်ရှိသူများက ဗုဒ္ဓဟူးနေ့တွင် ပြောကြားခဲ့ပါတယ်။ သတင်းအရ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနမှ ရဟတ်ယာဉ်တစ်စင်းသုံးကာ မီးသတ်သမား များက မီးငြှိမ်းသတ်လျက်ရှိပါတယ်။ တောမီးသည် တနင်္လာနေ့ညတွင် စတင်ဖြစ်ပွားခဲ့ပြီး သစ်တော ဧရိယာ ၁၀၀ ခန့် လျင်မြန်စွာ ပျက်စီးခဲ့ပါတယ်။
မီးသတ်သမားများနှင့် ရဟတ်ယာဉ်တို့သည် အင်္ဂါနေ့ညနေပိုင်းအထိ မီးတောက်များကို ညလုံးပေါက် မီးငြှိမ်းသတ်ကာ အခြေအနေကို ထိန်းထားနိုင်ခဲ့ပါတယ်။ သို့သော်လည်း မီးသတ်ပိုက်များ လက်လှမ်းမမီသော တောင်ပေါ်ရှိ အမြင့်နေရာများတွင် မီးလောင်ကျွမ်းမှု ဆက်လက်ဖြစ်ပွားနေပါတယ်။ တုံပြန်သည့်အနေဖြင့် မီးသတ်သမားများနှင့် စေတနာ့ဝန်ထမ်းများသည် အနီးနားရှိ နေအိမ်များနှင့် အစိုးရအဆောက်အအုံများသို့ မီးမကူးစက်စေရန် ကြားခံဇုန်များဖန်တီးရန် စည်းရုံးခဲ့ပါတယ်။ မတ်စောက်သော မြေပြင်ကြောင့် မီးကို အပြည့်အဝ ငြှိမ်းသတ်ရာတွင် အခက်အခဲများ ရှိသဖြင့် အချိုနေရာများသို့ သွားလာရန် အန္တရာယ်များလွန်းသည်ဟု မီးသတ်သမားများက သတင်းပေးပို့ခဲ့ပါတယ်။ ညလုံးပေါက် လေပြင်းတိုက်ခတ်မှုကြောင့် မီးတောက်များ လျင်မြန်စွာ ပျံ့နှံသွားခဲ့ပါတယ်။
ချိုင်းနတ် ရဲစခန်းမှူး ရဲမှူး ဗိုလ်မှူးကြီး ဆူရတ် ပေါက်ရွှေ က မီးရှို့သူ အသက် ၄၀ အရွယ် Sarawut (အမည်ရင်းမဟုတ်) ကို ဗုဒ္ဓဟူးနေ့ က တောင်တဝိုက် နေရာ ၅ နေရာမှာ ရာဇဝတ်မှု ပြန်လည် ဖော်ထုတ်ဖို့ ခေါ်ဆောင်သွားပါတယ်။ Sarawut သည် ယခင်က စိတ်ကြွဆေးပြား သုံးစွဲမှုဖြင့် ဖမ်းဆီးခံရမှုအပေါ် ဒေါသဖြင့် တောင်တဝိုက် နေရာအများအပြားတွင် မီးရှို့ခဲ့သည်ဟု ရွာသားများက ရဲတပ်ဖွဲထံ အကြောင်းကြား ပြီးနောက် အင်္ဂါနေ့တွင် ဖမ်းဆီးခံခဲ့ရခြင်း ဖြစ်ပါတယ်။
REF - The Nation
#MNP #News #International #Thailand
Join - https://t.me/MyanmarNationalPost
ليست هناك تعليقات:
إرسال تعليق