ဖေဖော်ဝါရီ - ၁၇ ( တနင်္လာနေ့ )
ပထမကမ္ဘာစစ်အပြီးမှာ အော်တိုမန်အင်ပါယာ ပြိုကွဲသွားပြီး နိုင်ငံငယ်လေးတွေ အများ အပြားဖြစ်ပေါ်လာတာကို ဘောလ်ကန်နိုက်ဇေးရှင်းလို့ခေါ်ပါတယ်။ မြန်မာလိုအနီးစပ်ဆုံး ဘာသာပြန်ရရင် ပြည်ထောင်စုပြိုကွဲတယ်လို့ ခေါ်ရမှာပါ။ အခုလည်း အာဖရိကအလယ်ပိုင်းက နိုင်ငံတစ်ခုဖြစ်တဲ့ ဒီအာကွန်ဂိုမှာ တိုင်းပြည်ရဲ့ အရှေ့ဘက်ပိုင်းမှာ လက်နက်ကိုင်အဖွဲ့ M23 အားကောင်းလာပြီး မြေပြင်တိုက်ပွဲတွေ အနိုင်ရနေတာနဲ့ ပတ်သက်ပြီး အာဖရိကသမဂ္ဂ က ဒီအာကွန်ဂိုနိုင်ငံကို ပြည်ထောင်စုပြိုကွဲတော့မယ်လို့ ဆိုလာပါတယ်။
ကွန်ဂိုဒီမိုကရက်တစ်သမ္မတနိုင်ငံ (DR Congo) နိုင်ငံ၏ အရှေ့ဘက်ခြမ်းတွင် အခြေအနေ မပြောင်းလဲပါက ပြိုကွဲသွားနိုင်ကြောင်း အာဖရိကသမဂ္ဂက တနင်္ဂနွေနေ့တွင် သတိပေးခဲ့ပါတယ်။ လက်နက်ကိုင်သူပုန်အဖွဲ့ M23 သည် ယခုနှစ်အစပိုင်းကတည်းက နိုင်ငံအရှေ့ပိုင်းတွင် ထိုးစစ်ဆင်နေခဲ့ပြီး အခြေအနေကို ထိန်းချုပ်နိုင်နေတယ်လို့ သတင်းများထွက်ပေါ်လျက်ရှိပါတယ်။ စစ်သွေးကြွများ ဗဟိုအာဖရိကနိုင်ငံ အစိုးရကို ဆန့်ကျင်သည့် လှုပ်ရှားမှုကို စတင်ခဲ့ပြီးနောက် နိုင်ငံခြား ငြိမ်းချမ်းရေး ထိန်းသိမ်းသူ တစ်ဒါဇင်ကျော်ကို သတ်ဖြတ်ခဲ့ပြီးသွားပါပြီ။
"ကျနော်တို့က ဒီအာကွန်ဂို အရှေ့ပိုင်းကို ခွဲထွက်တာကို မလိုလားပါဘူး" လို့ အာဖရိကသမဂ္ဂ၏ ငြိမ်းချမ်းရေးနှင့် လုံခြုံရေးဆိုင်ရာ ကော်မရှင်နာ ဘန်ကိုလီ အာဒိုးယီ က အီသီယိုးပီးယားနိုင်ငံ၊ အက်ဒစ်အာဘာဘာ တွင် ကျင်းပသည့် သမဂ္ဂထိပ်သီးအစည်းအဝေးသို့ တက်ရောက်စဉ် သတင်းထောက်များအား ပြောကြားခဲ့ပါတယ် ။ "ဂိုမာလေဆိပ် အပါအဝင် မြို့ရွာအားလုံးက M23 အဖွဲ့ နဲ့ သူတို့ရဲ့ ထောက်ခံသူတွေကို ချက်ချင်း ဖယ်ရှားပေးဖို့ ကျနော်တို့ တောင်းဆိုထားပါတယ်"
ဇန်နဝါရီလနှောင်းပိုင်းတွင် သူပုန်များသည် ရဝမ်ဒါနယ်စပ်ရှိ ဂိုမာမြို့နှင့် DR ကွန်ဂိုနိုင်ငံ အရှေ့ပိုင်း မြောက်ကီဗာပြည်နယ်၏ မြို့တော်ကို သိမ်းပိုက်ခဲ့ပါတယ်။ ကုလသမဂ္ဂ၏ အဆိုအရ ၎င်းတို့သည် ဂိုမာ၏ အုပ်ချုပ်ရေးမှူးနှင့် မြို့တော်ဝန် အပါအဝင် ဒေသတွင်းရှိ ဌာနများမှာ ၎င်းတို့၏ ကိုယ်ပိုင် အရာရှိများကို ခန့်အပ်ခဲ့ပါတယ်။
တနင်္ဂနွေနေ့ထုတ်ပြန်ချက်အရ ဒီအာကွန်ဂို အရှေ့ပိုင်းရှိ အခြားမြို့ကြီးတစ်မြို့ကို M23 မှ သိမ်းပိုက်လိုက်ကြောင်း သီတင်းပတ်ကုန်တွင် ၎င်းတို့သည် အိမ်နီးချင်း တောင်ကီဗူး ပြည်နယ်၏ မြို့တော် ဘူကာဗူ ကို သိမ်းပိုက်နိုင်ခဲ့ကြောင်း သိရပါတယ်။
REF - RT
#MNP #News
Join - https://t.me/MyanmarNationalPost
ليست هناك تعليقات:
إرسال تعليق