ဖေဖော်ဝါရီ - ၁၄ ( သောကြာနေ့ )
ယူကရိန်း ပဋိပက္ခအတွက် ဆုံးဖြတ်ချက်တစ်ရပ်ကို ဆွေးနွေးရန် သောကြာနေ့တွင် မြူးနစ်လုံခြုံရေးညီလာခံတွင် အမေရိကန် အဆင့်မြင့်ကိုယ်စားလှယ်များနှင့် တွေ့ဆုံမည်ဖြစ်ကြောင်း အမေရိကန်သမ္မတ ဒေါ်နယ်ထရမ့်က ပြောကြားခဲ့သည်။
ရုရှားသမ္မတ ဗလာဒီမာပူတင်နှင့် အမေရိကန်သမ္မတတို့သည် ဗုဒ္ဓဟူးနေ့တွင် မိနစ် ၉၀ နီးပါး ဖုန်းဖြင့် စကားပြောဆိုခဲ့ရာ ရုရှားနှင့် အမေရိကန် နိုင်ငံ့ခေါင်းဆောင်များကြား တိုက်ရိုက်ထိတွေ့ဆက်ဆံမှုသည် ၂၀၂၂ခုနှစ် ဖေဖော်ဝါရီ ပြီးနောက် ပထမဆုံး လူသိများသော အပြန်အလှန်ဆက်သွယ်မှုဖြစ်ကြောင်း အထိမ်းအမှတ်အနေဖြင့် ပြောကြားခဲ့သည်။
“မနက်ဖြန် မြူးနစ်မှာ အစည်းအဝေးလုပ်တယ်။ ရုရှားက ငါတို့လူတွေနဲ့ အတူရှိနေမှာပါ” ဟု Trump က အိမ်ဖြူတော်တွင် ကြာသပတေးနေ့က သတင်းထောက်များအား ပြောကြားခဲ့သည်။ ”ယူကရိန်းကိုလည်း ဖိတ်ကြားထားပါတယ်”ဟု Trump က ထပ်လောင်းပြောကြားခဲ့သော်လည်း အစည်းအဝေး၏ ပုံစံကို ဖော်ပြခြင်း သို့မဟုတ် မည်သည့်နည်းဖြင့် ဆွေးနွေးခြင်း သို့မဟုတ် နှစ်နိုင်ငံ ဆွေးနွေးပွဲများ ဆက်တိုက်ပြုလုပ်ခြင်း ရှိ၊ မရှိ ရှင်းလင်းပြောကြားခြင်း မရှိပေ။ “ဘယ်နိုင်ငံကနေ သွားမယ်ဆိုတာ အတိအကျ မသိရသေးပေမယ့် ရုရှား၊ ယူကရိန်းနဲ့ အမေရိကန်က အဆင့်မြင့်သူတွေပါမှာပါ” ဟု အမေရိကန် ခေါင်းဆောင်က ပြောကြားခဲ့သည်။
ကရင်မလင်ပြောရေးဆိုခွင့်ရှိသူ ဒီမီထရီပက်စကော့ဗ် က သမ္မတနှစ်ဦးစလုံးသည် တွေ့ဆုံဆွေးနွေးရေးတွင် ပါဝင်ရန် ဆန္ဒရှိကြောင်း ထုတ်ဖော်ပြောကြားခဲ့ခြင်းသည် လက်ထောက်များ၊ ဝန်ကြီးဌာနများနှင့် အခြားအရာများကို လှုံ့ဆော်ပေးသည့် “အလွန်အရေးကြီးသော အောင်မြင်မှု” ဖြစ်ကြောင်း ကြာသပတေးနေ့ အစောပိုင်းတွင် ပြောကြားခဲ့သည်။ “အခု ခေါင်းဆောင်တွေက နိုင်ငံရေးဆန္ဒကို သရုပ်ပြပြီး ဆက်သွယ်ရေးစဖို့ လိုအပ်တဲ့ ညွှန်ကြားချက်တွေကို သူတို့ရဲ့ လက်ထောက်တွေကို ပေးတဲ့အတွက် စိတ်ရှည်ဖို့ နည်းနည်း တောင်းဆိုပါတယ်။ ဒီဆွေးနွေးမှုတွေ အရှိန်ရလာဖို့ အချိန်လိုပါတယ်” ဟု ပက်စ်ကော့ဗ်က ပြောကြားခဲ့သည်။
မြူးနစ်လုံခြုံရေးညီလာခံကို ဂျာမနီနိုင်ငံ မြူးနစ်မြို့တွင် ဖေဖော်ဝါရီ ၁၄ ရက်မှ ၁၆ ရက်အထိ ကျင်းပမည် ဖြစ်သည်။ အမေရိကန် ဒုသမ္မတ ဂျေဒီဗန့်စ် သည် ယူကရိန်းနိုင်ငံမှ ဗလာဒီမာဇီလန်စကီး နှင့် တွေ့ဆုံရန် မျှော်လင့်ထားသည်။ လုံခြုံရေး ညီလာခံကို အမေရိကန် ကိုယ်စားလှယ်အဖွဲ့ကို ဦးဆောင်မည်ဖြစ်သည်။ ရုရှားအရာရှိများသည် မြူးနစ်ညီလာခံကို ၂၀၂၂ ခုနှစ်ကတည်းက မတက်ရောက်ခဲ့ပါဘူး။ ယခုနှစ် ညီလာခံကို မော်စကိုအစိုးရက ၎င်း၏ပါဝင်မှုကို အတည်ပြုခြင်းမပေးသေးသလို ၎င်း၏ ကိုယ်စားလှယ်အဖွဲ့ ဖွဲ့စည်းပုံကို မကြေညာသေးပေ။
Ref - RT
#MNP #News #International
Join - https://t.me/MyanmarNationalPost
ليست هناك تعليقات:
إرسال تعليق