ဖေဖော်ဝါရီ - ၁၂ ( ဗုဒ္ဓဟူးနေ့ )
ဆိုင်တာမာစီရင်စုမှာရှိတဲ့ ယိုရှိရွာဘက်က ကားလမ်းပေါ်မှာ ရုတ်တရက်မြေတွင်းပေါက်ကြီးဖြစ်ကာ ကားတစ်စင်းထိုးကျသွားတာ မနေ့ကဆိုရင် ၂ ပတ်ရှိသွားပါပြီ။ အသက် ၇၄ နှစ်အရွယ် ယာဉ်မောင်း အဖိုးအိုကို ဒီနေ့အထိ ရှာမတွေ့သေးပါဘူး။ အဲ့ဒိတွင်းကြီးက တဖြည်းဖြည်းကျယ်လာလို့ အနီးအနားက အိမ်တွေကို ရွှေ့ပြောင်းပေးနေရပါတယ်။
စီရင်စုအနီးနားရှိ အိမ်ထောင်စုများကို ဘေးလွတ်ရာသို့ ရွှေ့ပြောင်းပေးရန် တောင်းဆိုထားပြီး ခရိုင်အတွင်းရှိ မြူနီစီပယ် ၁၂ ခုတွင် နေထိုင်သူ ၁.၂ သန်းခန့်ကို ၎င်းတို့၏ ရေသုံးစွဲမှုကို ဆက်လက်လျှော့ချရန် သက်ဆိုင်ရာ အာဏါပိုင်တွေက တောင်းဆိုထားပါတယ်။
တွင်းဖြစ်ပြီး ကားကျသွားတဲ့ဖြစ်စဉ်က ဇန်နဝါရီ ၂၈ ရက် နံနက်ပိုင်းမှာ လမ်းဆုံတစ်ခုအနီး၌ ဖြစ်ပွားခဲ့တာပါ။ အစပိုင်းမှာ အချင်း ၁၀ မီတာခန့်ရှိပေမဲ့ နောက်ပိုင်း တဖြည်းဖြည်းကျယ်လာကာ မီတာ ၄၀ ခန့် ဖြစ်လာပြီး လူနေအိမ်တွေနား အထိရောက်လာပါတယ်။
ဂူတွင်းပေါက် ဆက်လက်ဖြစ်ပေါ်နေလို့ အိမ်ခြေ ငါးလုံးမှ လူ ၁၁ ဦးကို ကယ်ဆယ်ရေးစခန်းများသို့ ရွှေ့ပြောင်းပေးထားကြောင်း သိရပါတယ်။ ဂူတွင်းပေါက်များကြောင့် မြေအောက်ကေဘယ်ကြိုးများ ပြတ်တောက်ခဲ့ပြီး ဖုန်းလိုင်း ၄၀၀ ခန့် ချိတ်ဆက်မှု အပါအဝင် ရပ်ကွက်အတွင်း ဆက်သွယ်ရေးဆိုင်ရာ ပြဿနာများ ဖြစ်ပေါ်ခဲ့ပါတယ်။ ရေပိုက်များမှတစ်ဆင့် ရေများဝင်ရောက်လာခြင်းကြောင့် ရှာဖွေရေးလုပ်ငန်းများ အဟန့်အတားဖြစ်စေသဖြင့် ခရိုင်အာဏာပိုင်များက ဒေသခံများနှင့် စီးပွားရေးလုပ်ငန်းများ၏ ရေသုံးစွဲမှုကို လျှော့ချရန် တောင်းဆိုထားပါတယ်။
REF - Japan News
#News #MNP #International
https://t.me/MyanmarNationalPost
ليست هناك تعليقات:
إرسال تعليق