ဟားခါး ၊ နိုဝင်ဘာ ၂
ပြည်ထောင်စုရွေးကောက်ပွဲကော်မရှင်အဖွဲ့ဝင် ချင်းပြည်နယ်တာဝန်ခံ ဦးအောင်မိုးမြင့်နှင့် ချင်းပြည်နယ်ပြည်နယ်၊ ခရိုင်ရွေးကောက်ပွဲကော်မရှင်အဖွဲ့ခွဲဥက္ကဋ္ဌနှင့်အဖွဲ့ဝင်များတွေ့ဆုံပွဲကို နိုဝင်ဘာလ ၂၈ ရက် ညနေ ၄ နာရီက ဟားခါးမြို့၊ ချင်းပြည်နယ်အစိုးရအဖွဲ့ရုံး အစည်းအဝေးခန်းမ၌ ကျင်းပခဲ့သည်။
ဦးစွာ ပြည်ထောင်စုရွေးကောက်ပွဲကော်မရှင်အဖွဲ့ဝင် ချင်းပြည်နယ်တာဝန်ခံ ဦးအောင်မိုးမြင့်က ၂၀၂၅ ခုနှစ်၊ ဒီဇင်ဘာလ ၂၈ ရက်နေ့တွင် ကျင်းပပြုလုပ်မည့် ပါတီစုံဒီမိုကရေစီအထွေထွေရွေးကောက်ပွဲအောင်မြင်စွာ ကျင်းပနိုင်ရေးအတွက် ယခုကဲ့သို့ တွေ့ဆုံပွဲကျင်းပရခြင်းဖြစ်ကြောင်း၊ မဲပေးမည့် မဲဆန္ဒရှင်၊ ပါဝင်ယှဉ်ပြိုင်မည့် လွှတ်တော်ကိုယ်စားလှယ်နှင့် ရွေးကောက်ပွဲကော်မရှင်ရှိမှ ရွေးကောက်ပွဲတစ်ခု ကျင်းပနိုင်ခြင်းဖြစ်ကြောင်း၊ လွှတ်တော်ကိုယ်စားလှယ်လောင်းများအနေဖြင့် မဲဆွယ်စည်းရုံးရေးလုပ်ငန်းများ ဆောင်ရွက်ရာတွင် ဥပဒေဘောင်အတွင်း၌သာ စည်းရုံးဆောင်ရွက် ကြရမည်ဖြစ်ကြောင်း၊ မဲဆန္ဒရှင်ပြည်သူများအနေဖြင့် ဆန္ဒမဲကို လွတ်လွတ်လပ်လပ် မဲပေးနိုင်ရန်နှင့် MEVM မဲပေးစက်အပေါ် ယုံကြည်မှုရှိရန် ရွေးကောက်ပွဲကော်မရှင်အဖွဲ့ခွဲဝင်များက စည်းရုံးဆောင်ရွက်ကြရမည်ဖြစ်ကြောင်းဖြင့် အမှာစကားပြောကြားသည်။
ထို့နောက် ချင်းပြည်နယ်ရွေးကောက်ပွဲကော်မရှင်အဖွဲ့ခွဲအရာရှိ ဦးကျော်စိုးနိုင်က ရွေးကောက်ပွဲဆိုင်ရာ လုပ်ငန်းဆောင်ရွက်မှုအခြေအနေများကို Power Point ဖြင့် ရှင်းလင်းတင်းပြပြီး တွေ့ဆုံပွဲသို့ တက်ရောက်လာကြသည့် ပါတီအသီးသီးမှ ကိုယ်စားလှယ်များက တင်ပြလိုသည့်အချက်များကို တင်ပြကြကာ ပြည်ထောင်စုရွေးကောက်ပွဲကော်မရှင်အဖွဲ့ဝင် ချင်းပြည်နယ်တာဝန်ခံ ဦးအောင်မိုးမြင့်က လိုအပ်ချက်များ ပေါင်းစပ်ညှိနှိုင်းပေးပြီး နိဂုံးချုပ်အမှာစကားပြောကြားခဲ့ကြောင်း သိရသည်။
https://t.me/MyanmarNationalPost
ليست هناك تعليقات:
إرسال تعليق