ကျောက်ကြီး၊ နိုဝင်ဘာ ၂၃
ပဲခူးတိုင်းဒေသကြီး ကျောက်ကြီးမြို့နယ်၌ ယမန်နေ့နံနက် ၉ နာရီက မြို့နယ်အထွေထွေအုပ်ချုပ်ရေးဦးစီးဌာနရုံး အစည်းဝေးခန်းမတွင် မြို့နယ်ရွေးကောက်ပွဲကော်မရှင်အဖွဲ့ခွဲက ဦးဆောင်ပြီး ၂၀၂၅ခုနှစ်ပါတီစုံဒီမိုကရေစီအထွေထွေရွေးကောက်ပွဲအောင်မြင်စွာ ကျင်းပနိုင်ရေးအတွက် ထိန်းချုပ်စက်ကိုင်တွယ်သူများနှင့် မဲပေးစက်ဆိုင်ရာလုပ်ငန်းစဉ်များ သင်တန်းဖွင့်လှစ်ခဲ့ကြောင်း သိရသည်။
၂၀၂၅ ခုနှစ် ပါတီစုံဒီမိုကရေစီအထွေထွေ ရွေးကောက်ပွဲတွင် ကျောက်ကြီးမြို့နယ်အတွင်းရှိ ဆန္ဒမဲရုံများ၌ တာဝန်ထမ်းဆောင်ကြမည့် မဲရုံမှူး(၁၁)ဦး၊ ဒုတိယမဲရုံမှူး(၁၁)ဦး၊ မြန်မာအီလက်ထရောနစ်မဲပေးစက် (MEVM) ထိန်းချုပ်စက်ကိုင်တွယ်သူ (၄၄)၊ မဲရုံကြီးကြပ်သူ(၆)ဦး၊ စုစုပေါင်း သင်တန်းသား(၇၂)ဦးအား သင်တန်းနည်းပြအဖြစ် မြို့နယ်ရွေးကောက်ပွဲကော်မရှင် အဖွဲ့ခွဲဥက္ကဋ္ဌနှင့် အတွင်းရေးမှူးတို့က မဲရုံမှူး၊ ဒုမဲရုံမှူးနှင့် မဲရုံအဖွဲ့ဝင်များ၏ တာဝန်နှင့် လုပ်ပိုင်ခွင့်များ၊ ရွေးကောက်ပွဲစနစ်အကြောင်း၊ မဲပေးစက်တည်ဆောက်ပုံနည်းလမ်းများ၊ စက်တပ်ဆင်ပုံ၊ စမ်းသပ်မဲပေးပုံ၊ ရွေးကောက်ပွဲနေ့တွင် မဲရုံ၌ မဲပေးစက်တပ်ဆင်ခင်းကျင်းပုံ၊ မဲရလဒ်ရေတွက်ပုံ၊ နည်းဥပဒေပါအတိုင်း မဲရလဒ်စာရင်းပြုစုပုံ၊ မဲပေးစက်အား ပြန်လည်ထုပ်ပိုး သိမ်းဆည်းပုံနှင့် ရွေးကောက်ပွဲဆိုင်ရာသိသင့် သိထိုက်သည်များကို လက်တွေ့ သရုပ်ပြသင်ကြား ပြသပေးသွားမည်ဖြစ်ကြောင်းနှင့် သင်တန်းအား ယနေ့နံနက် ၉ နာရီမှ နေ့လယ် ၁၂ နာရီ အထိသင်ကြားပို့ချပေးသွားမည်ဖြစ်ကြောင်း သိရသည်။
အဆိုပါသင်တန်းအား မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌနှင့်အဖွဲ့ဝင်များ၊သက်ဆိုင်ရာတာဝန်ရှိသူများက ကြည့်ရှုအားပေးခဲ့ကြောင်းသိရသည်။
https://t.me/MyanmarNationalPost
ليست هناك تعليقات:
إرسال تعليق