ထားဝယ် ၊ နိုဝင်ဘာ ၂၆
တနင်္သာရီတိုင်းဒေသကြီး၊ ထားဝယ်ခရိုင် အားကစားနှင့်ကာယပညာကော်မတီ၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ အခြေခံပညာဦးစီးဌာနတို့ပူးပေါင်း၍ စာဖတ်ရှိန်မြှင့်တင်ရေးလူငယ်စကားဝိုင်းကို ယနေ့နံနက်ပိုင်းက ထားဝယ်မြို့၊ ဆရာမိုးဒီကိုယ်ပိုင်အထက်တန်းကျောင်း၌ ကျင်းပသည်။
ဆွေးနွေးပွဲတွင် ထားဝယ်ခရိုင် အားကစားနှင့်ကာယပညာကော်မတီအတွင်းရေးမှူး ဒေါ်စပယ်သွင်က “ယနေ့လူငယ်နောင်ဝယ်လူကြီးဆိုသကဲ့သို့ နောင်ကျရင်နယ်ပယ်အသီးသီး၌ ဦးစီးဦးဆောင်ပြုရမည့်သူများဖြစ်ကြောင်း၊ နိုင်ငံတော်အစိုးရအနေဖြင့် လူငယ်များကို တန်ဖိုးရှိသောလူသားအရင်းအနှီးများအဖြစ် မျှော်မှန်းပြီး ပြုစုပျိုးထောင်ပေးလျက်ရှိကြောင်း၊ လူငယ်များကိုယ်တိုင်ကလည်း မိမိကိုယ်မိမိတန်ဖိုးရှိသော လူသားများဖြစ်အောင် ကျင့်ကြံကြိုးကုတ် အားထုတ်ကြရန်လိုအပ်ကြောင်း၊ ကျောင်းသားလူငယ်များအနေဖြင့် အားကစားအားလေ့လာလိုက်စားကြရန်လိုအပ်ကြောင်း ပြောကြားသည်။
ထို့နောက် ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ဦးစီးအရာရှိ ဒေါ်မိုးမိုးခိုင်က ဦးဆောင်ဆွေးနွေးသူ (Moderator) အဖြစ် ဆောင်ရွက်ပြီး ဆွေးနွေးပြောကြားသူများအဖြစ် ဆရာမိုးဒီကိုယ်ပိုင်အထက်တန်းကျောင်းမှ ကျောင်းသား/သူများဖြစ်ကြသည့် Grade-10 ကျောင်းသား မောင်ဟိန်းထက်က လူငယ်နှင့် ယဉ်ကျေးမှု၊ Grade-10 ကျောင်းသူ မချောသီရိစံက လူငယ်နှင့် ကိုယ်ကျင့်တရား၊ Grade-9 ကျောင်းသား မောင်ဘုန်းမြတ်ဦးက လူငယ်နှင့် အောင်မြင်ခြင်း၊ Grade-9 ကျောင်းသူ မသော်တာလင်းမောင်က လူငယ်နှင့် Social Media စသည့် ခေါင်းစဉ်များဖြင့် ဆွေးနွေးခဲ့ကြသည်။
ဆက်လက်၍ တက်ရောက်လာသော ကျောင်းသား/သူများနှင့် အပြန်အလှန် မေးမြန်းဆွေးနွေးကြပြီး တာဝန်ရှိသူများက ဆွေးနွေးပြောကြားသော ကျောင်းသား/သူများအား ဂုဏ်ပြုမှတ်တမ်းလွှာနှင့် လက်ဆောင်ပစ္စည်း ပေးအပ်ကာ ကျောင်းအုပ်ရောကြီးက ကျေးဇူးတင်စကားပြောကြားခဲ့ကြောင်း သတင်းရရှိသည်။
ငွေဇင်ယော်(ထားဝယ်)
https://t.me/MyanmarNationalPost
ليست هناك تعليقات:
إرسال تعليق