ကော့မှူး ၊ နိုဝင်ဘာ ၂၂
ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်အတွင်းရှိ ရပ်ကွက်/ကျေးရွာများတွင် ဒုတိယအကြိမ် မဲဆန္ဒရှင်စာရင်းများကြေညာထားမှုကို ယမန်နေ့မွန်းလွဲ ၃ နာရီက တာဝန်ရှိသူများက လိုက်လံကွင်းဆင်း၍ စစ်ဆေးလျက်ရှိကြောင်း သိရသည်။
ထိုသို့ကွင်းဆင်းစစ်ဆေးရာတွင် မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးမျိုးမင်းနှင့်အဖွဲ့ဝင်များ၊ ဌာနဆိုင်ရာများ၊ မြို့နယ်ရွေးကောက်ပွဲကော်မရှင်အဖွဲ့ခွဲဥက္ကဋ္ဌ ဦးအောင်ကျော်စိုးနှင့်အဖွဲ့ဝင်များက တကူပုံကျေးရွာ၊ ငှက်အော်စမ်းကျေးရွာ၊ တလုထ္ထော်ကျေးရွာတို့တွင် ဒုတိယအကြိမ် မဲစာရင်းကပ်ထားကြေညာထားရှိမှုအား ကြည့်ရှုစစ်ဆေးခြင်းများ ဆောင်ရွက်ခဲ့ကြောင်း သိရသည်။
ဆက်လက်၍ တာဝန်ရှိသူများကမဲရုံများ မီးဘေးလုံခြုံရေးအတွက် စစ်ဆေးခြင်း၊ မီးဘေးအန္တရာယ် အသိပညာပေးလုပ်ငန်းများဆောင်ရွက်ခဲ့ပြီး တာဝန်ရှိသူများအား လိုအပ်သည်များ မှာကြားခဲ့ပါကြောင်း သိရသည်။
ကျော်သူရ(ကော့မှူး)
https://t.me/MyanmarNationalPost
ليست هناك تعليقات:
إرسال تعليق