ဇန်နဝါရီ - ၃၁ ( စနေနေ့)
အမေရိကန် လူဝင်မှုကြီးကြပ်ရေးနှင့် အကောက်ခွန် စည်းကြပ်မှု (ICE) ကို ဆန့်ကျင်တဲ့ နိုင်ငံတစ်ဝှမ်း ဆန္ဒပြမှု သည် သောကြာနေ့က ပေါ်ပေါက်ခဲ့ပြီးနောက် မင်နီယာပိုလစ်တွင် လူအုပ်ကြီးက မြို့လယ်လမ်းများကို ပိတ်ဆို့လိုက်တာကြောင့် လော့စ်အိန်ဂျလိစ်မြို့လယ်တွင် ပြင်းထန်သော ထိပ်တိုက်ရင်ဆိုင်မှုများ အဆုံးစွန်ထိ ဖြစ်ပွားခဲ့ပါတယ်။
“ICE အကြမ်းဖက်မှု” လို့ ခေါ်တဲ့ လူဝင်မှုကြီးကြပ်ရေး စီးနင်းမှုတွေကို ရပ်တန့်ဖို့ ဖက်ဒရယ်အစိုးရကို ဖိအားပေးတဲ့ အစုလိုက်အပြုံလိုက် သပိတ်မှာ ပွဲစီစဉ်သူတွေက အမေရိကန်သားတွေကို အလုပ်၊ ကျောင်းနဲ့ ဈေးဝယ်ခြင်းတွေကို ရှောင်ကြဉ်ဖို့ တောင်းဆိုလိုက်ပါတယ်။
မင်နီယာပိုလစ် မကြာသေးမီက ပြုလုပ်ခဲ့တဲ့ စစ်ဆင်ရေးများအတွင်း ဖက်ဒရယ်အေးဂျင့်များက အမေရိကန် နိုင်ငံသား ရီနီဂွဒ် နဲ့ အဲလက်စ်ပရက်တီ တို့ကို သေဆုံးစေခဲ့သော ပစ်ခတ်မှုများ လုပ်ခဲ့တဲ့ အတွက် အမေရိကန်နိုင်ငံသားတွေ ဒေါသများ တိုးပွားလာကာ ဆန္ဒပြမှုများ ဖြစ်ပေါ်လာခြင်းဖြစ်ပါတယ်။
လော့စ်အိန်ဂျလိစ်တွင်၊ ငြိမ်းချမ်းစွာစုဝေးပွဲတစ်ခုအဖြစ် စတင်ခဲ့ရာမှ ယနေ့တွင် အပြင်းထန်ဆုံးတိုက်ပွဲများထဲမှ တစ်ခုအဖြစ် စတင်ခဲ့ပါတယ်။ ထောင်နှင့်ချီသော ဆန္ဒပြသူများသည် မြို့လယ်လမ်းမများတစ်လျှောက် ချီတက်ခဲ့ကြပြီး အများအပြားက “ICE တွေအားလုံး ထွက်သွားကြ” ဆိုင်းဘုတ်များကိုင်ဆောင်ကာ ဖက်ဒရယ်လူဝင်မှုကြီးကြပ်ရေးစီးနင်းမှုကို ဆန့်ကျင်ကြောင်း ကြွေးကြော်ခဲ့ကြပါတယ်။
ဆန္ဒပြသူများသည် ရဲလိုင်းများကိုချိုးဖောက်ပြီး အရာရှိများနှင့် ထိပ်တိုက်တွေ့ကြပြီးနောက် ရဲများနှင့် ဖက်ဒရယ်အေးဂျင့်များသည် မျက်ရည်ယိုဗုံးများ၊ မီးခိုးဗုံးများနှင့် နံပါတ်တုတ်များ အပါအဝင် လူစုလူဝေးကို ထိန်းချုပ်သည့် နည်းဗျူဟာများဖြင့် တုံ့ပြန်ခဲ့ကြပါတယ်။
လူမှုကွန်ရက်ပေါ်တွင် ကျယ်ကျယ်ပြန့်ပြန့် မျှဝေထားတဲ့ ဗီဒီယိုများက မွန်းလွဲပိုင်းအထိ တင်းမာမှုများ မြင့်တက်နေသဖြင့် ရဲတပ်ဖွဲ့က ချီတက်လာသည့် လူစုလူဝေးကို တိုက်ခိုက်တဲ့ ပုံရိပ်များကို ဖော်ပြခဲ့ကြပါတယ်။
REF: RT
#MNP #News
ليست هناك تعليقات:
إرسال تعليق