ရန်ကုန်၊ မေ ၁၇
မြန်မာနိုင်ငံအထွေထွေအုပ်ချုပ်ရေး ဝန်ထမ်းဟောင်းများအသင်း (၁၀) ကြိမ်မြောက် သက်ကြီးပူဇော်ပွဲနှင့် အသင်းသားများတွေ့ဆုံပွဲ အခမ်းအနားကို ရန်ကုန်မြို့၊ ဒဂုံမြို့နယ်၊ တိပိဋကနိကာယကျောင်းတိုက် ငွေရတုခန်းမ တွင် ကျင်းပရာ ရန်ကုန်တိုင်းဒေသကြီးအစိုးရအဖွဲ့ ဝန်ကြီးချုပ် ဦးအောင်နိုင်သူ နှင့်အတူ တိုင်းဒေသကြီး လျှပ်စစ်၊ စွမ်းအင်၊ စက်မှုနှင့်လမ်းပန်းဆက်သွယ်ရေးဝန်ကြီး ဒေါက်တာ မျိုးသော်၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဒေါက်တာထူးမောင်၊ အတွင်းရေးမှူး ဦးနေဝင်းအောင် နှင့် ဌာနဆိုင်ရာအကြီးအကဲများ၊ မြန်မာနိုင်ငံအထွေထွေအုပ်ချုပ်ရေးဝန်ထမ်းဟောင်းများ၊ တာဝန်ရှိသူများနှင့် ဖိတ်ကြားထားသော ဧည့်သည်တော်များ တက်ရောက်ကြသည်။
ဦးစွာ ရန်ကုန်တိုင်းဒေသကြီးဝန်ကြီးချုပ် ဦးအောင်နိုင်သူ က အဖွင့်အမှာစကားပြောကြားသည်။
ထို့နောက် မြန်မာနိုင်ငံအထွေထွေအုပ်ချုပ်ရေး ဝန်ထမ်းဟောင်းများအသင်းဥကဋ္ဌ ဦးကျော်ဆန်း က သက်ကြီးပူဇော်ပွဲ ကျင်းပခြင်းနှင့်စပ်လျဉ်း၍ ရှင်းလင်းတင်ပြသည်။
ထို့နောက် ရန်ကုန်တိုင်းဒေသကြီး ဝန်ကြီးချုပ် ဦးအောင်နိုင်သူ က မြန်မာနိုင်ငံအထွေထွေအုပ်ချုပ်ရေး ဝန်ထမ်းဟောင်းများအသင်းသို့ အလှူငွေ၊ စာအုပ်စာတန်းများနှင့် ကန့်တော့ခံပစ္စည်းများပေးအပ်ပြီး ကန်တော့ကြိုးဖြင့်ကန်တော့ကြသည်။
ထို့နောက် မြန်မာနိုင်ငံပြည်ထဲရေးဝန်ကြီးဌာန အငြိမ်းစား ဗိုလ်မှူးကြီး (ငြိမ်း) ဦးတင်လှိုင် နှင့် ဦးတင်လှိုင် (စာရေးဆရာ လယ်တွင်းသားစောချစ်) တို့က ဆုပေးမေတ္တာစကားများ ပြောကြားသည်။
#MNP #News
No comments:
Post a Comment