ဖျာပုံ၊ နိုဝင်ဘာ ၅
ဧရာဝတီတိုင်းဒေသကြီး၊ ဖျာပုံခရိုင်၊ ဖျာပုံမြို့နယ်တွင် အသက်(၄၅)နှစ်အထက် ပထမအကြိမ် ကာကွယ်ဆေးထိုးနှံပြီးသည့် ပြည်သူများအား ဒုတိယအကြိမ် ကိုဗစ်၁၉ရောဂါ ကာကွယ်ဆေး ဆက်လက်ထိုးနှံပေးခြင်းကို ယနေ့နံနက်(၉)နာရီအချိန်မှ စတင်၍ ဖျာပုံမြို့ ပြည်သူ့အားကစားခန်းမတွင် ဆေးထိုးစုရပ်ထားရှိ၍ ကိုဗစ်-၁၉ရောဂါ ကာကွယ်ဆေး ထိုးနှံပေးလျက်ရှိကြောင်း သိရသည်။
အဆိုပါအသက်(၄၅)နှစ်အထက် ပထမအကြိမ်ကာကွယ်ဆေး ထိုးနှံပြီးသည့် ပြည်သူများအား ဒုတိယအကြိမ် ကိုဗစ်၁၉ရောဂါကာကွယ်ဆေး ဆက်လက်ထိုးနှံပေးရာတွင် ကျန်းမာရေး ဝန်ကြီးဌာန၏ ညွှန်ကြားချက်များနှင့်အညီ ကာကွယ်ဆေးလာရောက် ထိုးနှံသူများကို ကိုယ်အပူချိန်တိုင်းတာခြင်း၊ သွေးပေါင်ချိန်ခြင်း၊ တစ်ဦးနှင့်တစ်ဦး (၆)ပေစီခြား၍ စနစ်တကျ နေရာချထားပြီး၊ ရပ်ကွက်/ ကျေးရွာအလိုက် နေ့ရက်မျာခွဲ၍ ကာကွယ်ဆေး ထိုးနှံပေးလျက်ရှိရာ ယခင်ဆေးထိုးစုရပ်ဖြစ်သည့် ကျောင်းနေရာများအစား ဖျာပုံမြို့ ပြည်သူ့အားကစားခန်းမတွင် ဆေးထိုးစုရပ်ထားရှိပြီး အသက်(၄၅)နှစ်အထက် ပြည်သူများအား ကိုဗစ်၁၉ရောဂါ ကာကွယ်ဆေးဆက်လက်ထိုးနှံခြင်းကို ဆောင်ရွက်ပေး လျက်ရှိရာ မြို့နယ်အနေဖြင့်တစ်နေ့လျှင် ကိုဗစ်၁၉ရောဂါ ကာကွယ်ဆေးအား လူဦးရေ(၂၅၀)ဦးခန့်ကို နေ့စဉ်ကိုဗစ်-၁၉ရောဂါ ကာကွယ်ဆေး ထိုးနှံပေးလျက်ရှိကြောင်း သိရှိရသည်။
သတင်း - အောင်ဝင်းနိုင်
https://t.me/MyanmarNationalPost
www.mnpnewsagency.com
No comments:
Post a Comment