ကာလိ၊ နိုဝင်ဘာ ၁၂
ရှမ်းပြည်နယ်(တောင်ပိုင်း)၊ လွိုင်လင်ခရိုင် ၊ ကာလိမြို့၊ ဟိုပန်ကျေးရွာအုပ်စုနေ ပြည်သူများ အား ဒုတိယအကြိမ် ကိုဗစ်-၁၉ ရောဂါ ကာကွယ်ဆေးထိုးနှံခြင်းကို နိုဝင်ဘာလ ၁၂ ရက်နေ့ နံနက်(၉)နာရီအချိန်ခန့်က အခြေခံပညာအလယ်တန်းကျောင်း၌ ကာကွယ်ဆေး ထိုးနှံခြင်း ဆောင်ရွက်ခဲ့သည်။
အဆိုပါ ကာကွယ်ဆေးထိုးနှံခြင်းတွင် ဟိုပန်ကျေးရွာအုပ်စုမှ ဟိုပန်ကျေးရွာ ၊ ဝမ်ဆတ် ကျေးရွာ ၊ ပန်လုံကျေးရွာ ၊ နမ့်မော်ငင်းကျေးရွာ ၊ နောင်ခမ်းကျေးရွာ ၊ နားလီလိုင်ကျေးရွာ ၊ နမ့်လန်ကျေးရွာ ၊ နားကန်ကျေးရွာ ၊ ဝမ်မိုင်ကျေးရွာ ၊ ဆိုင်းခေါင်ကျေးရွာရှိ ပြည်သူများ (၁၅၉)ဦး တို့အား ကျန်းမာရေးဝန်ထမ်းများက ကာကွယ်ဆေးများထိုးနှံနိုင်ရန်အတွက် ကျန်းမာရေးဝန်ကြီးဌာနမှ ထုတ်ပြန်ထားသောလမ်းညွှန်ချက်များနှင့်အညီ ဆောင်ရွက်ပေး ခဲ့ပြီးမှသာ ကိုဗစ်-၁၉ ရောဂါကာကွယ်ဆေးများ ထိုးနှံပေးပြီး ကာကွယ်ဆေးထိုးနှံပြီးကြောင်း ဆေးလက်မှတ်များကို ပေးအပ်ခဲ့သည်။ ထိုသို့ဆောင်ရွက်ရာတွင် ဟိုပန်ကျေးရွာစု အုပ်ချုပ်ရေးမှူး ဦးစိုင်းအုန်းပွင့်နှင့် ကာလိမြို့ အထွေထွေအုပ်ချုပ်ရေးဦးစီးဌာနမှ သက်ဆိုင် ရာဝန်ထမ်းများတို့က သွားရောက်ကူညီဆောင်ရွက်၍ ကြီးကြပ် ဆောင်ရွက်ပေးခဲ့ကြောင်း သိရသည်။
သတင်း - ကျော်
https://t.me/MyanmarNationalPost
www.mnpnewsagency.com
No comments:
Post a Comment