ရေကြည်၊ ဒီဇင်ဘာ ၂၅
ဧရာဝတီတိုင်းဒေသကြီး ပုသိမ်ခရိုင် ရေကြည်မြို့နယ်တွင် မြို့ပေါ်ရပ်ကွက်များနှင့်ကျေးရွာအုပ်စုများရှိ အသက် ၈၅ နှစ်နှင့်အထက် သက်ကြီးဘိုးဘွားများအား အိမ်တိုင်ယာရောက် လူမှုရေးပင်စင်ထောက်ပံ့ပေးခြင်းကို ယမန်နေ့နံနက် ၉ နာရီအချိန်ကစတင်ကာ ထောက်ပံ့ပေးအပ်ခဲ့ကြောင်းသိရသည်။
ထိုသို့အိမ်တိုင်ယာရောက် ထောက်ပံ့ပေးအပ်ရာတွင် ရေကြည်မြို့နယ် စီမံအုပ်ချုပ်ရေးအဖွဲ့ ဥက္ကဌ ဦးသန်းဝင်း ၊ လူမှုဝန်ထမ်းဦးစီးဌာနမှ မြို့နယ်ဦးစီးမူး ဒေါ်ခင်အေးသောင်း နှင့်ဝန်ထမ်းများ၊ ရပ်ကွက်နှင့်ကျေးရွာအုပ်စုမှအုပ်ချုပ်ရေးမူးနှင့်စာရေးများလိုက်ပါလျှက် အသက် ၈၅ နှစ်နှင့်အထက် သက်ကြီးဘိုးဘွားများ နေအိမ်သိုသွားရောက်ပြီး ဘိုးဘွား တစ်ဦးလျှက် ၃၀၀၀၀ ကျပ်နှန်းနှင့်ဘိုးဘွားများ၏လက်ဝယ်အရောက် လူမှုရေးပင်စင်ထောက်ပံ့ပေးပြီး ဘိုး/ဘွားများ၏ကျန်းမာရေးများမေးမြန်ခြင်း ဆောင်းရာသီဖြစ်သည့်အတွက် နွေးနွေးထွေးထွေးနေထိုင်ရန် တာဝန်ရှိသူများက ပြောကြားကာ ဘိုးဘွားများကို ရှစ်ခိုးကန်တော့ကြပါသည်။
ရေကြည်မြို့နယ်တွင် မြို့ပေါ် (၁၆)ရပ်ကွက် ကျေးရွာအုပ်စု (၈၇)အုပ်စုတွင် အသက် ၈၅ နှစ်နှင့်အထက် သက်ကြီးဘိုးဘွား (၁၄၅၄)ဦးရှိပြီး တစ်ဦးလျှင်(၃၀၀၀၀)ကျပ်နှန်းနဲ့ ငွေပမာဏ သိန်းလေးရာ့သုံးဆယ့်ခြောက်သိန် နှစ်သောင်းတိတိ ကိုထောက်ပံ့ပေးအပ်ခဲ့ကြောင်းနှင့်လူမှုဝန်ထမ်းဦးစီးဌာနမှထောက်ပံ့ငွေများကို ရေကြည်မြို့နယ်အတွင်းရှိ ဝေလန်သောရပ်ကွက်နှင့်ကျေးရွာအုပ်စုများရှိအုပ်ချုပ်ရေးမူးများစာရေးဝန်ထမ်းများကိုဖိတ်ခေါ်ပြီး ဘိုးဘွားများအား လူမှုရေးပင်စင်ထောက်ပံ့ပေးရန်အတွက် ရေကြည်မြို့နယ် အထွေထွေအုပ်ချုပ်ရေးဦးစီးဌာန ရုံးဝန်းအတွင်းရှိ ခန်းမတွင် ကျေးရွာအုပ်ချုပ်ရေးမူးနှင့်စာရေးဝန်ထမ်းများလက်ဝယ်သို့ ပေးအပ်ခဲ့ကြောင်းနှင့်အသုတ်မြို့ရှိ မြို့ပေါ်ရပ်ကွက်နှင့် ကျေးရွာအုပ်စု(၂၁)အုပ်စုကို ယခုဒီဇင်ဘာလကုန်အတွင်းဘိုးဘွားများအားလူမှုရေးပင်စင်များဆက်လက်ထောက်ပံ့ပေးသွားမည်ဖြစ်ကြောင်းသတင်းရရှိသည်။
သတင်း - ဆန်းတင့်
https://t.me/MyanmarNationalPost
www.mnpnewsagency.com
No comments:
Post a Comment