ထားဝယ်၊ ဒီဇင်ဘာ ၁၇
ထားဝယ်ခရိုင်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာနတွင် “(၇၄)နှစ်မြောက်လွတ်လပ်ရေး နေ့ အထိမ်းအမှတ်”အကြိုပန်းချီဆေးရောင်ခြယ်နှင့် သတ်ပုံကျမ်းပြိုင်ပွဲဆုချီးမြင့်ခြင်းအခမ်းအနားကို ယနေ့နံနက် ၉ နာရီခွဲ က ထားဝယ်ခရိုင် လူထုအခြေပြုဗဟိုဌာန (Community Centre) ခန်းမ၌ကျင်းပသည်။
အခမ်းအနားတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန တိုင်းဒေသကြီးဦးစီးမှူး ဒေါ်ကြင်ကြင်သန်းက လွတ်လပ် ရေး နေ့ဖြစ်ပေါ်လာပုံသမိုင်းကြောင်းအား ရှင်းလင်းပြောကြား ပြီး သတ်ပုံကျမ်းပြိုင်ပွဲတွင် ဆုရရှိသူများအား ဆုများချီးမြှင့် ပေးအပ်သည်။
ထို့နောက်ပန်းချီဆေးရောင်ခြယ်ပြိုင်ပွဲတွင် ပထမ၊ ဒုတိယ၊ တတိယဆုရရှိသောကျောင်းသား/ကျောင်းသူများအား ထူးပြည့်ကောင်းကုမ္ပဏီမှ အုပ်ချုပ်မှုဒါရိုက်တာ ဦးစိန်ရှင်းက ဆုများ ပေးအပ်ချီးမြှင့်သည်။
ဆက်လက်ပြီး ထားဝယ်ခရိုင်ဦးစီးမှူး၊ လက်ထောက်ညွှန်ကြားရေးမှူး ဒေါ်ခင်မာဖြူက ကျောင်းသား/သူများ၏ပြိုင်ပွဲ ရလဒ် အမှတ်များနှင့်ဆုရွေးချယ်ရာတွင်ပါဝင်သည့်အချက်များအား ရှင်းလင်းပြောကြားပြီး ပြိုင်ပွဲဝင်ကျောင်းသား၊ ကျောင်းသူ အားလုံးကိုဂုဏ်ပြုလက်ဆောင်ချီးမြှင့်ကာ ပြိုင်ပွဲအကဲဖြတ်ပေးကြသည့် ဆရာမများအားဂုဏ်ပြုလက်ဆောင်ပေးအပ်သည်။
ထို့နောက်ဆုရကျောင်းသား/သူများကိုယ်စားဆုရကျောင်းသူတစ်ဦးက ကျေးဇူးတင်စကား ပြောကြားခဲ့ကြောင်းသတင်း ရရှိသည်။
သတင်း - ကေကေအယ်လ်(ထားဝယ်)
https://t.me/MyanmarNationalPost
www.mnpnewsagency.com
No comments:
Post a Comment