အုပ်ဖို၊ ဒီဇင်ဘာ ၁၁
ပဲခူးတိုင်းဒေသကြီး၊ အုပ်ဖိုမြိုနယ်၊ အေးမြသာယာ နယ်မြေရဲစခန်းမှ CDM ပြုလုပ်ကာ ထွက်ပြေးတိမ်းရှောင်နေသည့် စခန်းမှူးဖြစ်သူ ရဲအုပ် သိန်းထွန်းဝင်းကို ဒီဇင်ဘာ ၁၀ ရက်တွင် ဖမ်းဆီးရမိခဲ့ကြောင်း သိရသည်။
ဖြစ်စဉ်မှာ ဒီဇင်ဘာ ၁၀ ရက်တွင် ဗန်းမောက်မြို့မရဲစခန်းမှ နယ်ထိန်းခေါင်းဆောင် ဒုရဲအုပ် စိုးဝင်းအောင်ဦးစီးအဖွဲ့သည် မြို့မရပ်ကွက် အုပ်ချုပ်ရေးအဖွဲ့များနှင့်အတူ မြို့ပေါ်ရပ်ကွက်များအတွင်း လှည့်ကင်း/ပိတ်ဆိုစစ်ဆေးဆောင်ရွက်နေစဉ် မြို့မရပ်ကွက်၊ ဓမ္မစကြာလမ်းပေါ်၌ မသင်္ကာသူအမျိုးသားတစ်ဦးအား ရပ်တန့်စစ်ဆေးရာ ၎င်းမှာ ပဲခူးတိုင်းဒေသကြီး၊ အုပ်ဖိုမြို့နယ်၊ အေးမြသာယာနယ်မြေရဲစခန်းမှ ရဲအုပ် သိန်းထွန်းဝင်း(၅၁)နှစ်၊ မြို့မရပ်ကွက်၊ ဗန်းမောက်မြို့နေသူဖြစ်ကြောင်း သိရှိရပြီး ၎င်းသည် အေးမြသာယာ နယ်မြေရဲစခန်း (စခန်းမှူး) တာဝန်မှ မတ်လ ၇ ရက်ကစတင်ကာ CDM ပြုလုပ်ခဲ့သူဖြစ်ကြောင်း စစ်ဆေးပေါ်ပေါက်ခဲ့သဖြင့် ဖမ်းဆီးခဲ့ကာ လိုအပ်သည့်အရေးယူမှုများ ဆောင်ရွက်လျှက်ရှိကြောင်း သိရသည်။
https://t.me/MyanmarNationalPost
www.mnpnewsagency.com
No comments:
Post a Comment