လေးမျက်နှာမြို့နယ်တွင် ပြည်သူများအား(Sinoparm)ဒုတိယအကြိမ်ကိုဗစ်-၁၉ရောဂါကာကွယ်ဆေးထိုးနှံပေး
လေးမျက်နှာ၊ ဒီဇင်ဘာ ၁၇
ဧရာဝတီတိုင်းဒေသကြီး၊ ဟင်္သာတခရိုင်၊ လေးမျက်နှာမြို့နယ်အတွင်းရှိ ဆေးထိုးစုရပ်အသီးသီးတွင် ပြည်သူများအား ယနေ့နံနက် (၉)နာရီအချိန်မှစ၍ ကိုဗစ်-၁၉ ရောဂါကာကွယ်ဆေး (Sinoparm) phase-4 ဒုတိယအကြိမ်ထိုးနှံပေးလျက် ရှိသည်။
ကာကွယ်ဆေးထိုးနှံပေးရာတွင် မြို့နယ်ဌာနဆိုင်ရာစီစစ်ကြီးကြပ်ရေးအဖွဲ့နှင့် မြို့နယ်ကျန်းမာရေးဝန်ထမ်းများ ပူးပေါင်းပြီး လေးမျက်နှာမြို့နယ်အတွင်းရှိ ကျမ်းမာရေးဆေးပေးခန်း ဆေးထိုးစုရပ်အသီးသီးတွင် ကိုဗစ်-၁၉ ရောဂါ ကာကွယ်ဆေးများ ထိုးနှံလျက်ရှိရာ မြတ်စေတနာ(အခမဲ့)ကျမ်းမာရေးဆေးပေးခန်း ဆေးထိုးစုရပ်၌ ခန့်မှန်းဦးရေ (၇၀)ဦးအား ကိုဗစ်-၁၉ ရောဂါကာကွယ် ထိန်းချုပ်ရေးလမ်းညွှန်ချက်နှင့်အညီ ပြည်သူများအား ဒုတိယအကြိမ် ကာကွယ်ဆေးထိုးနှံပေးခြင်းဖြစ်ကြောင်း သိရသည်။
အဆိုပါကာကွယ်ဆေးထိုးစုရပ်တွင် ကာကွယ်ဆေးလာရောက်ထိုးနှံကြသော ပြည်သူများအား ကာကွယ်ဆေးမထိုးမှီ ကိုယ်အပူချိန်တိုင်းပေးခြင်း၊ သွေးပေါင်ချိန်ပေးခြင်း၊ ဆေးထိုးပြီးပါကဓာတ်မတည့်ခြင်း၊ ဘေးထွက်ဆိုးကျိုးလက္ခဏာများ ဖြစ်ပေါ်လျှင် ချက်ချင်းကုသပေးနိုင်ရေးအတွက် ကြည့်ရှု့စောင့်ကြပ် ဆောင်ရွက်ပေးကြကြောင်း သိရသည်။
သတင်း - ကျော်ဟိန်း
https://t.me/MyanmarNationalPost
www.mnpnewsagency.com
No comments:
Post a Comment