MNP - ဖေဖော်ဝါရီ ၅
ကရင်ပြည်နယ်၊ သံတောင်ကြီးမြို့နယ်၊ လိပ်သိုမြို့၌ အသက်(၁၅)နှစ်အောက် ကျောင်းသား ကျောင်းသူများအား ပိုလီယိုရောဂါကာကွယ် ဆေး(အပိုဆောင်း) တိုက်ကျွေးခြင်းကို လိပ်သိုမြို့ အထက်တန်းကျောင်း၌ ယမန်နေ့နေ့လည်(၁၂)နာရီအချိန်က ပြုလုပ်ခဲ့ရာ လိပ်သိုမြို့အုပ်ချုပ် ရေးမှူး ဦးစောမြကျော်က သွားရောက်ကြည့်ရှုအားပေး တိုက်ကျွေးခဲ့ကြောင်း သိရသည်။
အဆိုပါ ပိုလီယိုကာကွယ်ဆေးတိုက်ကျွေးခြင်းတွင် လိပ်သိုတိုက်နယ် ကျန်းမာရေးဌာနမှ ကျန်းမာရေးဆရာမ ဒေါ်မိုးမိုးခိုင် ဦးဆောင်၍ ကျန်းမာရေးဝန်ထမ်းများနှင့် ကျောင်းဆရာ/မတို့ကပူးပေါင်းပါဝင် ဆောင်ရွက်ခဲ့ကြပြီး ပိုလီယိုရောဂါကာကွယ်ဆေး တိုက်ကျွေးခြင်းအားဖြင့် ကလေးငယ်များ ပိုလီယိုရောဂါပိုးကူးစက်ခြင်းမှ ကာကွယ်နိုင်မည်ဖြစ်ကာ ရာသက်ပန်မသန်မစွမ်းဖြစ်ခြင်းမှ ကင်းဝေးနိုင်မည်ဖြစ်ကြောင်းကို ကျန်းမာရေးဆရာမ ဒေါ်မိုးမိုးခိုင်က ကျောင်းသူ/သားများအား အသိပညာပေးဟောပြောပေးခဲ့ကြောင်း သိရသည်။
https://t.me/MyanmarNationalPost
www.mnpnewsagency.com
No comments:
Post a Comment