MNP - မတ် ၂၀
ပဲခူးတိုင်းဒေသကြီး၊ တောင်ငူခရိုင်၊ အုတ်တွင်းမြို့နယ် စည်ပင်သာယာရေးအဖွဲ့မှ မြို့သန့်ရှင်းသာယာလှပစေရေးနှင့် မိုးရာသီတွင် ရေကြီးရေလျှံမှုများ မဖြစ်ပေါ်စေရန် ရည်ရွယ်၍ ရေစီးရေလာကောင်းမွန်စေရေးအတွက် ရေမြောင်းများ တူးဖော်ပေးလျက်ရှိရာ ၂၀၂၂ ခုနှစ် မတ်လ ၁၄ ရက်နေ့မှစတင်၍ နေ့ပိုင်း ဈေးဆိုင်များ ဈေးရောင်းဈေးဝယ်ကို ထိခိုက်စေခြင်း မရှိရန် ည(၇)နာရီမှစတင်၍ ပဲခူးလမ်းရပ်ကွက် မြို့တွင်း ရေမြောင်းများအတွင်း ပိတ်ဆို့နေသော အမှိုက်များ ရှင်းလင်းပေးခြင်း၊ ရေမြောင်းတူးဖော်ခြင်းလုပ်ငန်းများကို အလုပ်သမား (၁၂)ဦးဖြင့် နေ့စဉ် ဆောင်ရွက်လျက်ရှိသည်။
အဆိုပါ ရေမြောင်းအတွင်းပိတ်ဆို့နေသော အမှိုက်များ သယ်ယူရှင်းလင်းခြင်းနှင့် တူးဖော်ခြင်း လုပ်ငန်းများကို မြို့နယ်စည်ပင်သာယာရေးအဖွဲ့နှင့် ရပ်ကွက်အုပ်ချုပ်ရေးမှူးများ ပူးပေါင်း၍ ဆောင်ရွက်လျက်ရှိကြောင်း သိရသည်။
မြန်မာနေရှင်နယ်ပို့်စ်
No comments:
Post a Comment