MNP - ဧပြီ ၁၃
၁၃၈၃ ခုနှစ်၊ မဟာသင်္ကြန်ပွဲတော် အကြိုနေ့တွင် မန္တလေးတိုင်းဒေသကြီး၊ ညောင်ဦး ခရိုင်မီးသတ်ဦးစီးဌာနမှ ဝန်ထမ်းမိသားစုများသည် ပုဂံ-ညောင်ဦး ရှေးဟောင်းယဉ်ကျေးမှုနယ်မြေသို့ လာရောက်ကြသည့် ခရီးသွားဘုရားဖူးများကို မုန့်လုံးရေပေါ် စတုဒီသာပြုလုပ် ကျွေးမွေးခဲ့ကြောင်း သိရသည်။
ညောင်ဦးခရိုင် မီးသတ်ဦးစီးမှူး ဦးထက်အောင် (လက်ထောက်ညွှန်ကြားရေးမှူး) ဦးဆောင်သော ညောင်ဦးခရိုင်အတွင်းရှိ မီးသတ်ဝန်ထမ်း မိသားစုများသည် သင်္ကြန်အကြိုနေ့တွင် ညောင်ဦး-ကျောက်ပန်းတောင်း လမ်းမကြီးဘေး၊ ခရိုင်မီးသတ်ဦးစီးဌာန၊ စခန်းရှေ့တွင် သင်္ကြန်တွင်း အကြိုနေ့အဖြစ် မုန့်လုံးရေပေါ် စတုဒိသာပြုလုပ်ပြီး ကားများရပ်တန့် စားစေခြင်း၊ မရပ်သည့်ကားများ၊ ဆိုင်ကယ်များ၊ တုတ်တုတ်များ၊ ခရီးသည်တင်ကားများအား မုန့်လုံးရေပေါ်များ အိတ်ဖြင့်ထည့်ပြီး ဝေမျှပေးခြင်း၊ စတုဒိသာပြုလုပ် ကုသိုယ်ပြုခဲ့ကြောင်း သိရသည်။ မုန့်လုံးရေပေါ်စတုဒိသာ ကျွေးခြင်းများအား အကြို၊ အကျ၊ အကြတ်နေ့များတွင်လည်း မုန့်လုံးရေပေါ် စတုဒိသာပြုလုပ်ကျွေးမွေး ဝေငှသွားမည်ဖြစ်ကြောင်းလည်း သိရသည်။
သတင်း - ကိုထိန်
မြန်မာနေရှင်နယ်ပို့စ်
No comments:
Post a Comment