MNP - ဧပြီ ၁၀
ရှမ်းပြည်နယ်(တောင်ပိုင်း)၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဆီဆိုင်မြို့နယ်တွင် ကိုဗစ်-၁၉ ရောဂါ ပြန့်ပွားမှုကာကွယ်တားဆီးနိုင်ရေးအတွက် အသိပညာပေးဟောပြောပွဲကို ယနေ့နံနက် ၁၁ နာရီက ဘန့်ဗွီးကျေးရွာအုပ်စု၊ နားစေးဆောက်ကျေးရွာ၌ ပြုလုပ်သည်။
ဟောပြောပွဲတွင် မြို့နယ်စီမံအုပ်ချုပ်ရေးအဖွဲ့ဝင် ဦးခွန်အောင်ကျော်မြင့်၊ ဆီဆိုင်မြို့နယ်ရဲတပ်ဖွဲ့မှူး ရဲမှူးစိုးမိုးလွင်၊ နှင့်တာဝန်ရှိသူများက ဒေသခံပြည်သူများအား ကိုဗစ်-၁၉ ရောဂါ ကူးစက်မှု အန္တရာယ်မှ ကင်းဝေးစေရန်အတွက် ကာကွယ်ဆေးအား အကြိမ်ပြည့်ထိုးနှံကြရန်၊ ကာကွယ်ဆေး ထိုးနှံခြင်းကြောင့် ရရှိလာမည့်အကျိုးကျေးဇူးများ၊ မိမိကြောင့်သူတစ်ပါးရောဂါ ကူးစက်မှုမရှိစေရန် စသည့် ကိုဗစ်-၁၉ ရောဂါ ကြိုတင်ကာကွယ်ရေးဆိုင်ရာ နည်းလမ်းများကို အကျယ်တဝင့် အသိပညာပေး ဟောပြောခဲ့ကြောင်း သိရသည်။
သတင်း - မျိုးမြတ်
မြန်မာနေရှင်နယ်ပိုစ့်
No comments:
Post a Comment