MNP ၊ဧပြီ ၂၈
NLD ရန်ကုန်တိုင်းလူမှုရေးဝန်ကြီးဟောင်း ဦးနိုင်ငံလင်းအား အဂတိလိုက်စားမှု ၅မှုအတွက် စုစုပေါင်း ထောင်ဒဏ် ၁၅နှစ်ကျခံရန် အထူးတရားရုံးက ယနေ့ ဧပြီ ၂၈ရက်တွင် အမိန့်ချမှတ်ခဲ့ကြောင်း သိရသည်။
ဦးနိုင်ငံလင်းအား ၂၀၂၁ခုနှစ် ဖေဖော်ဝါရီ ၁ရက်တွင် ဖမ်းဆီးရမိပြီး အဂတိလိုက်စားမှုတိုက်ဖျက်ရေးဥပဒေပုဒ်မ ၅၅ အရ အမှု ၅ မှုဖြင့် တရားစွဲဆိုခဲ့ခြင်းဖြစ်သည်။
ဦးနိုင်ငံလင်းသည် ၂၀၂၁ ဇန်နဝါရီက သင်္ဃန်းကျွန်းပညာရေးကောလိပ်နှင့် ရန်ကုန်အနောက်ပိုင်း နည်းပညာတက္ကသိုလ်တို့တွင် အဆောက်အဦ ဆောက်လုပ်ခွင့်ရသည့်ကုမ္ပဏီထံမှ ကျပ်သန်း ၁၈၀ နှင့် ကျပ် ၈ သိန်းခန့် တန်ဖိုးရှိ တီဗွီနှင့်ကာရာအိုကေ စက်တစ်စုံ၊ ၂၀၂၀-၂၀၂၁ ခုနှစ် ဘဏ္ဍာရေးနှစ်၌ အမျိုးသားစီမံခန့်ခွဲမှုပညာ ဒီဂရီကောလိပ် စာသင်ဆောင် ဆောက်လုပ်ခွင့်ရသည့် ကုမ္ပဏီပိုင်ရှင်တဦးထံမှ ကျပ်သိန်း ၅၀ နှင့် ၅ သောင်းခန့် တန်ဖိုးရှိ လက်ဆောင်ခြင်းနှင့် ၂၀၂၀ ဒီဇင်ဘာလအတွင်းကလည်း ဒဂုံတက္ကသိုလ်တွင် အဆောက်အဦ ဆောက်လုပ်ခွင့်ရသည့် ကုမ္ပဏီထံမှ ကျပ်သိန်း ၂၀ ကို လက်ခံရယူခဲ့ကြောင်း သိရသည်။
ထို့ပြင် ၂၀၂၀ ဇွန်လအတွင်းက တောင်ဒဂုံစက်မှုလက်မှုသိပ္ပံကျောင်း အဆောက်အဦ ဆောက်လုပ်ခွင့်ရသည့် ကုမ္ပဏီ ပိုင်ရှင်တစ်ဦးထံမှ ကျပ် ၁၀ သိန်းနှင့် ကိုဗစ်-၁၉ ထိန်းချုပ်ရေးနှင့် အရေးပေါ်တုန့်ပြန်ရေးလုပ်ငန်းကော်မတီ ဥက္ကဋ္ဌအဖြစ် ဆောင်ရွက်စဉ် ပုဂ္ဂလိကကုမ္ပဏီတခု၏ Quarantine Center သီးသန့်ဖွင့်လှစ်ခွင့်ပြုရန် တင်ပြထားသည့်နေရာအား သွားရောက်စစ်ဆေးစဉ် ကုမ္ပဏီကပေးအပ်သည့် ကျပ် ၈ သိန်းခန့်တန်ဖိုးရှိ iPhone 12 Mini ဖုန်းတစ်လုံးအား လက်ခံရယူခဲ့ကြောင်း သတင်းရရှိသည်။
https://t.me/MyanmarNationalPost
No comments:
Post a Comment