MNP - မေ ၁
ပဲခူးတိုင်းဒေသကြီး လက်ပံတန်းမြို့နယ် စိုက်ပျိုးရေးဦးစီးဌာနမှကြီးမှူးကျင်းပသည့် နွေစပါး စံကွက်ရိတ်သိမ်းပွဲကို ယနေ့နံနက်ပိုင်းက ဂွေးတောက်ကွင်းကျေးရွာအုပ်စုရှိ ကွင်းအမှတ် (၁၁၅၈)၊ ဦးပိုင်အမှတ်(၇၁/၄) တောင်သူဦးတင်ဝင်း၏ နွေစပါးစိုက်ပျိုးလယ်မြေ စပါးစံပြကွက်တွင် ကျင်းပခဲ့သည်။
ထို့နောက် ဂွေးတောက်ကွင်းကျေးရွာအုပ်စု တောင်သူဦးတင်ဝင်း၏ GW-11 မျိုးစပါးစံပြကွက် ၅ ဧက စံကွက်ရိတ်သိမ်းကြရာ တစ်ဧကအထွက်နှုန်း ၁၈၁ ဒဿမ ၈၄ တင်းနှုန်း ထွက်ရှိကြောင်း သိရသည်။
နွေစပါးရိတ်သိမ်းပွဲသို့ စိုက်ပျိုးရေးဦးစီးဌာနမှ ခရိုင်ဦးစီးမှူးဦးသန်းအောင်ဆန်း၊ မြို့နယ်ဦးစီးမှူး ဦးဉာဏ်မြင့်နှင့် ဝန်ထမ်းများ၊ လက်ပံတန်းမြို့နယ် စီမံအုပ်ချုပ်ရေးအဖွဲ့ အတွင်းရေးမှူး ရဲမှူး တင်ဦးနှင့် အဖွဲ့ဝင်များဌာနဆိုင်ရာများနှင့် ဒေသခံတောင်သူများ တက်ရောက်ခဲ့ကြကြောင်း သိရသည်။
မြန်မာနေရှင်နယ်ပို့စ်
No comments:
Post a Comment