MNP - မေ ၂၅
စစ်ကိုင်းတိုင်းဒေသကြီး၊ ရွှေဘိုခရိုင်၊ ဝက်လက်မြို့နယ်တွင် ယမန်နေ့မှစတင်၍ တရားဥပဒေ စိုးမိုးရေး၊ ရပ်ရွာအေးချမ်းသာယာရေး၊ ဒေသဖွံ့ဖြိုးရေးလုပ်ငန်းများကို ဆောင်ရွက်ရာတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးဉာဏ်လှိုင်နှင့် အဖွဲ့ဝင်များ၊ ဌာနဆိုင်ရာ အကြီးအကဲများ စုပေါင်းဆောင်ရွက်ကြကြောင်း သိရသည်။
အဆိုပါ လုပ်ငန်းများဆောင်ရွက်ရာတွင် မြို့နယ်အတွင်းရှိ မူးကြီးကျေးရွာအုပ်စု၊ မြင်တော် ကျေးရွာ အုပ်စုအတွင်းရှိ မင်းစုကျေးရွာ၊ မကြီးတုံကျေးရွာ အုပ်စုတို့တွင် ကွင်းဆင်း ဆောင်ရွက်ပြီး ကျန်ရှိနေသော ကျေးရွာအုပ်စုများကို ဆက်လက်ကွင်းဆင်းဆောင်ရွက် သွားမည်ဖြစ်ကြောင်း သိရသည်။
ယင်းသို့ ကွင်းဆင်းဆောင်ရွက်ရာတွင် ရပ်ရွာဒေသခံပြည်သူများနှင့် ရင်းနှီးတွေ့ဆုံကာ မိမိတို့ ဒေသတွင် လိုအပ်ချက်များကို ဆွေးနွေးစေရာ လုံခြုံရေးအခြေအနေ၊ သောက်သုံးရေရရှိမှု အခြေအနေ၊ လျှပ်စစ်မီးရရှိမှုအခြေအနေ၊ ပညာရေးကဏ္ဍ၊ ကျန်းမာရေးကဏ္ဍ၊ စိုက်ပျိုးရေးကဏ္ဍများကို တင်ပြဆွေးနွေးကြရာ မြို့နယ်စီမံအုပ်ချုပ်ရေး အဖွဲ့ဥက္ကဋ္ဌနှင့် အဖွဲ့ဝင်များက သက်ဆိုင်ရာ ဌာနဆိုင်ရာများနှင့် ညှိနှိုင်းဆောင်ရွက် ပေးခဲ့ကြကြောင်း သိရသည်။
သတင်း - စိုးစိုးလှိုင်
မြန်မာနေရှင်နယ်ပို့စ်
No comments:
Post a Comment