MNP - မေ ၁၉
ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ် ပညာရေးမှူးရုံးမှ ၂၀၂၂-၂၀၂၃ ပညာသင်နှစ် ကျောင်းနေအရွယ် ကလေးများအားလုံး ပညာသင်ယူခွင့်ရရှိဖို့ ကျောင်းအပ်နှံကြပါစို့ အသိပညာပေး ဗီနိုင်းပိုစတာကို ယနေ့ နံနက် ၉ နာရီအချိန်က မအူပင်မြို့ ရေလဲလမ်းမကြီး ဗိုလ်ချုပ်ကြေးရုပ်အနီး၌ စိုက်ထူခဲ့ကြောင်း သိရသည်။
အဆိုပါ အသိပညာပေးဆိုင်းဘုတ် စိုက်ထူပွဲသို့ မအူပင်မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ မြို့နယ်အုပ်ချုပ်ရေးမှူး ဦးတိုးတိုးဝင်း၊ မြို့နယ်စီမံအုပ်ချုပ်ရေးအဖွဲ့ဝင်များ ခရိုင်ပညာရေးမှူး ဒေါက်တာသန္တာဆွေ၊ မြို့နယ်ပညာရေးမှူးနှင့် ဆရာ၊ ဆရာမများ ဌာနဆိုင်ရာအကြီးအကဲများ၊ ပညာရေးဝန်ထမ်းများ၊ တက်ရောက်ခဲ့ကြကြောင်း သိရသည်။
ကျောင်းအပ်နှံရေးသီတင်းပတ်အဖြစ် ၂၀၂၂ ခုနှစ်မေလ (၂၆)ရက်နေ့မှ ဇွန်လ (၁)ရက်နေ့အထိ သတ်မှတ်ထားကြောင်း သိရသည်။
သတင်း - အောင်ခိုင်၊အောင်မြင့်မြတ်
မြန်မာနေရှင်နယ်ပို့စ်
No comments:
Post a Comment