MNP - မေ ၁
ပဲခူးတိုင်းဒေသကြီး၊ ပဲခူးခရိုင်၊ ညောင်လေးပင်မြို့နယ်တွင်း မြို့သန့်ရှင်းသာယာလှပရေးအတွက် (အပတ်စဉ်စနေနေ့)တိုင်း အမှိုက်ကောက်ခြင်းနှင့် သန့်ရှင်းရေးပြုလုပ်ဆောင်ရွက်ခြင်းကို ယနေ့နံနက်(၇)နာရီအချိန်၌ မြို့နယ်အတွင်းရှိဌာနဆိုင်ရာ ရုံးပတ်ဝန်ကျင်နှင့်ရေမြောင်းများအား သန့်ရှင်းရေးပြုလုပ်ဆောင်ရွက်ခဲ့ကြောင်း သိရသည်။
အဆိုပါ စုပေါင်းသန့်ရေးပြုလုပ်ခြင်းကို မြို့နယ်စီမံအုပ်ချုပ်ရေးအဖွဲ့၏ ကြီးကြပ်မှုဖြင့် မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ မြို့နယ်ဌာနဆိုင်ရာဝန်ထမ်းများ၊ Ngo အဖွဲ့အစည်းများ ၊ ရပ်ကွက်များမှ အုပ်ချုပ်ရေးမှူးများနှင့် ဒေသခံပြည်သူများက မြို့သန့်ရှင်း သာယာလှပစေရေးအတွက် အမှိုက်များ၊ သစ်ကိုင်းသစ်ပင်များ ခုတ်ထွင်ရှင်းလင်းခြင်း၊ လမ်းဘေးဝဲယာရှိ လမ်းနှင့်မလွတ်ကင်းသည့် သစ်ကိုင်းသစ်ပင်များအားခုတ်ထွင်ခြင်းတို့ကို စုပေါင်းဆောင်ရွက်ကြသည်။ အဆိုပါ စုပေါင်းသန့်ရှင်းရေးဆောင်ရွက်ခြင်းများကို အပတ်စဉ်စနေနေ့တိုင်း ရပ်ကွက်များအတွင်းရှိ လမ်းများတွင် အလှည့်ကျဆောင်ရွက်သွားကြမည်ဖြစ်ကြောင်း သိရသည်။
မြန်မာနေရှင်နယ်ပို့စ်
No comments:
Post a Comment