MNP ၊ မေ ၁၁
တနင်္သာရီတိုင်းဒေသကြီး အစားအသောက်နှင့်ဆေးဝါးကွပ်ကဲရေးအဖွဲ့သည်ထားဝယ်မြို့နယ်အစားအသောက်နှင့်ဆေးဝါး ကြီးကြပ်ကွပ်ကဲရေးကော်မတီအဖွဲ့ဝင်များ၊ စားသုံးသူရေးရာဦးစီးဌာနနှင့်ပူးပေါင်း၍ယနေ့နံနက်ပိုင်းတွင် ထားဝယ်မြို့ ရှိစက်ရုံနှင့်ကုန်စုံဆိုင်များတွင်အစားအသောက်နှင့်လူသုံးကုန်/အလှကုန်ဘေးအန္တရာယ်ကင်းရှင်းရေးအတွက် တရားမဝင် Online ကြေညာချက်များစောင့်ကြည့်ရေးအဖွဲ့မှတင်ပြထားသောပစ္စည်းများရောင်းချမှုရှိ/မရှိ ကြည့်ရှု့စစ်ဆေးခဲ့ကြောင်း သိရသည်။
ထို့နောက်တိုင်းဒေသကြီးအစားအသောက်နှင့်ဆေးဝါးကွပ်ကဲရေးဦးစီးမှူးဒေါ်မေသန်းနိုင်ဦးဆောင်သောပူးပေါင်းအဖွဲ့များ က ဆန်းချီရပ်ရှိ ccc ကုန်စုံဆိုင်နှင့်ကမြောကင်းလမ်းရှိ ဘောဂဝတီပွဲရုံတို့တွင်အစားအသောက်နှင့်လူသုံးကုန်/အလှကုန် ဘေးအန္တရာယ်ကင်းရှင်းရေးအတွက် တရားမဝင် Online ကြေညာချက်များစောင့်ကြည့်ရေးအဖွဲ့မှတင်ပြထားသော ပစ္စည်း များ ရောင်းချမှုမရှိစေရေး ဆိုင်ပိုင်ရှင်နှင့်တာဝန်ခံများအား ခံဝန်ထိုးစေခဲ့သည်။
ထို့သို့ဆိုင်များတွင် အစားအသောက် ဘေးအန္တရာယ် ကင်းရှင်းရေးအတွက် ဆိုင်ရှင်များနှင့်ဈေးဝယ်သူများအားကျန်းမာရေး ထိခိုက်စေသည့်ဆိုးဆေးနှင့်တာရှည်ခံဓာတုဆေး များ၊အန္တရာယ်ကင်းသောအစားအစာရရှိရေးအတွက် အဓိကဆောင်ရွက်ရ မည့် အချက် ၅ချက်ပါဝင်သည့်လက်ကမ်းစာစောင် များဖြန့် ဝေပေးခဲ့ပြီး ဆိုင်များမှမက်မွန်သီးနှင့် မရမ်းယိုအစားအသောက် နမူနာ ( ၂ )မျိုးအား FDA(တိုင်းရုံး)တွင်ခွင့်မပြုဆိုးဆေးများပါဝင်ခြင်းရှိ/မရှိစစ်ဆေးလျက်ရှိ ကြောင်းသိရသည်။
ဆက်လက်၍ထားဝယ် မြို့တွင်းရှိသောက်ရေသန့်လုပ်ငန်းစက်ရုံများဖြစ်သည့် ဖြူသန့်၊ငွေကြယ်လင်း နှင့် မြင့်မိုဦး ရေသန့် စက်ရုံများအား ကောင်းမွန်သောထုတ်လုပ်မှုကျင့်စဉ်နှင့်ညီ/မညီ ရှောင်တခင်ကွင်းဆင်းကြည့်ရှု့စစ်ဆေးခဲ့ကြောင်း သတင်း ရရှိသည်။
သတင်း - ရွှေပင်လယ်(ထားဝယ်)
https://t.me/MyanmarNationalPost
No comments:
Post a Comment