MNP ၊ ဇူလိုင် ၂၁
ရခိုင်ပြည်နယ် ၊ မောင်တောမြို့နယ် တက်ချောင်းဝအနီး ပင်လယ်ပြင်၌ သစ်(၂၅)တန်ခန့် တင်ဆောင် လာသော တရားမဝင် သစ်မှောင်ခိုလှေတစ်စီးအား ဇူလိုင် ၂၀ ရက် (၀၃:၄၀)နာရီအချိန်ခန့်က ဖမ်းဆီး ရမိခဲ့ ကြောင်း သိရသည်။
ဖြစ်စဉ်မှာ လုံခြုံရေးတပ်ဖွဲ့ဝင်များ ပူးပေါင်းအဖွဲ့သည် ငါးမန်းလှေတစ်စီး ၊ ဖိုက်ဘာလှေ တစ်စီးတို့ဖြင့် တိုက်ကင်းလှည့် တာဝန် ထမ်း ဆောင်နေစဉ် တက်ချောင်းဝအနီး ပင်လယ်ပြင်အနီးအရောက်တွင် မသင်္ကာဖွယ် လှေ ၁ တစ်စီးအား တွေ့ရှိ၍ အချက်ပြခေါ်ယူရာ လာရောက်ခြင်းမရှိဘဲ အနောက်မြောက်ဘက်သို့ ခုတ်မောင်း ထွက်ပြေး သဖြင့် လိုက်လံဖမ်းဆီးရာ တက်ချောင်းဝအနီး နှစ်နိုင်ငံရေပိုင်နက်အနီး၌ စက်လှေပေါ်ပါလာသူ ၄ ဦးတို့သည့် ရေထဲခုန်ချက ဘင်္ဂလားဒေ့ရှ်နိုင်ငံရေပိုင်နက်အတွင်းသို့ ရေကူး ထွက်ပြေးလွတ်မြောက်ခဲ့ပြီး ကျန်နေ ခဲ့သည် လှေအားစစ်ဆေးရာ တရားမဝင်သစ်များ သယ်ဆောင်လာသော သစ် မှောင် ခိုလှေ (အလျား ၆၀ ပေ ၊ အနံ ၁၅ ပေ ၊ ရေစူး ၄ ပေခန့်) သစ်သားကိုယ်ထည် ၊ HINO-HOIC (၆)လုံးထိုး ၊ HP-2861 (ဂီယာ ဘောက်စ် နှင့် တွဲ လျက်) သစ်မှောင်ခိုလှေ ၁ စီးနှင့်အတူ ကညင်သစ်ဘေတုံး ဆိုဒ်စုံ(၃၀) တန်ခန့် (ခန့်မှန်း နှင့်အတူ) တရားခံမဲ့ ဖမ်းဆီးရမိခဲ့သဖြင့် မြို့နယ်သစ်တောဦးစီးဌာနသို့ အပ်နှံကာ သက်ဆိုင်ရာ တွင်အမှုဖွင့်အရေး ယူနိုင် ရေး စီစဉ်လျက်ရှိကြောင်းသိရသည်။
သတင်း - ဝေလ(မောင်တော)
https://t.me/MyanmarNationalPost
No comments:
Post a Comment