MNP ၊ သြဂုတ် ၁၈
မန္တလေးတိုင်းဒေသကြီး၊ စဉ့်ကူးမြို့နယ်တွင် ကိုဗစ်-၁၉ရောဂါ ကာကွယ်ဆေးနောက်ဆုံးအကြိမ် ထိုးနှံပြီးစီးမှု ကာလ (၆) လနှင့်အထက်ရှိသော အသက်(၁၈) နှစ်အထက် ပြည်သူများအား ထပ်ဆောင်းကာကွယ်ဆေး (Booster Dose) ထိုးနှံပေးခြင်းကို မြို့နယ်စည်ပင်သာယာခန်းမတွင်ယမန်နေ့နံနက် (၁၀) နာရီမှစ၍ ဆောင်ရွက်ပေးလျက်ရှိသည်။
ထိုသို့ ကာကွယ်ဆေးများထိုးနှံပေးရာတွင် မြို့နယ်ကျန်းမာရေးဝန်ထမ်းများက စာရင်းရေးသွင်းခြင်း၊ ကိုယ်ပူချိန်တိုင်းတာခြင်း၊ သွေးပေါင်ချိန်ပေးခြင်း၊ ဆေးထိုးပြီးနောက် ခေတ္တစောင့်ကြည့်ပြီးမှ ပြန်လည်ထွက်ခွာစေခြင်းတို့ကို စနစ်တကျ ဆောင်ရွက်ပေးကြသည်။
စဉ့်ကူးမြို့နယ်တွင် ကိုဗစ် -၁၉ ရောဂါကာကွယ်ဆေး နောက်ဆုံးအကြိမ် ထိုးနှံပြီးစီးသည့်ကာလ (၆) လနှင့် အထက်ရှိသည့် အသက် (၁၈)နှစ်အထက် ပြည်သူများ၊ နိုင်ငံ့ဝန်ထမ်းများ စုစုပေါင်း လူဦးရေ (၁၃၃၆)ဦးအား ထပ်ဆောင်းကာကွယ်ဆေး (Booster Dose) ထိုးနှံပေးခြင်းကို သြဂုတ်လ ၁၇ ရက်နေ့မှ ၂၁ ရက်နေ့အတွင်း ရာနှုန်းပြည့် ထိုးနှံပြီးစီးရေး ဆောင်ရွက်လျက်ရှိကြောင်း သိရသည်။
တင်ဇာလွင်
https://t.me/MyanmarNationalPost
No comments:
Post a Comment