MNP - စက်တင်ဘာ ၂၅
ပဲခူးတိုင်းဒေသကြီး၊ ပြည်ခရိုင်၊ ပန်းတောင်းမြို့နယ် အတွင်းရှိ ဆင်တဲကျေးရွာ ပြည်သူများအား ကိုဗစ်-၁၉ရောဂါ ကာကွယ်နိုင်ရေးအတွက် ကာကွယ်ဆေးများကို အရှိန်အဟုန်မြှင့် ထိုးနှံပေးလျက်ရှိရာ ယနေ့နံနက်(၉)နာရီအချိန်က ပန်းတောင်း မြို့နယ် ဆင်တဲကျေးရွာ တောင်ပိုင်းရပ်ကွက် စည်ပင်သာယာဈေးရှေ့ ၌ ထပ်ဆောင်း ကာကွယ်ဆေးများထိုးနှံပေးခဲ့သည်။
အဆိုပါ ကိုဗစ်-၁၉ ရောဂါကာကွယ်ဆေးထိုးနှံပေးသည့် နေရာသို့ မြို့နယ်စီမံ အုပ်ချုပ်ရေး အဖွဲ့ဥက္ကဋ္ဌ ဦးအောင်သူရနှင့်အဖွဲ့ဝင်များ၊ ဌာနဆိုင်ရာ တာဝန်ရှိသူများ၊ လူမှုရေး အသင်းအဖွဲ့များက ကြည့်ရှုအားပေးခဲ့ကြောင်းသိရသည်။
ထို့နောက် ကိုဗစ်-၁၉ ရောဂါကာကွယ်ဆေးကို ပထမအကြိမ်၊ ဒုတိယအကြိမ် ကာကွယ်ဆေး ထိုးနှံပြီး ၆လနှင့် အထက်ရှိသူ ပြည်သူများအား ကိုဗစ်-၁၉ ထပ်ဆောင်း ကာကွယ်ဆေးကို ကျန်းမာရေးဝန်ထမ်းများက ထိုးနှံပေးလျက်ရှိ ကြောင်းနှင့် ပြည်သူများအား နေ့စဉ် ဆေးထိုးစုရပ်အလိုက် ထိုးနှံပေး မည်ဖြစ်ကြောင်းသိရသည်။
သတင်း - သင်းသင်း အေး
မြန်မာနေရှင်နယ်ပို့စ်
No comments:
Post a Comment