MNP - အောက်တိုဘာ ၂၄
ဧရာဝတီတိုင်းဒေသကြီး မအူပင်ခရိုင် ပန်းတနော်မြို့နယ်တွင် အခြေခံပညာအထက်တန်း၊ အလယ်တန်းနှင့် မူလတန်းကျောင်းအုပ်ကြီးများ စီမံခန့်ခွဲမှုစွမ်းဆောင်ရည်မြင့်မားရေး အလုပ်ရုံဆွေးနွေးပွဲ ဖွင့်ပွဲအခမ်းအနားကို ယနေ့ နံနက် ၉ နာရီက ပြည်လုံးချမ်းသာ သာသနာ့ဗိမာန်ခန်းမတွင် ကျင်းပပြုလုပ်ခဲ့သည်။
ရှေးဦးစွာ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးနိုင်ဝင်းက အဖွင့်အမှာစကား ပြောကြားခဲ့ပြီး မအူပင်ခရိုင် ပညာရေးမှူးဆရာမကြီး ဒေါက်တာသန္တာဆွေက ပညာရေးနှင့်ပတ်သက်သည့် လုပ်ငန်းဆောင်တာများရှင်းလင်း ပြောကြားခြင်း၊ ပန်းတနော်မြို့နယ်ပညာရေးမှူး (ပူးတွဲတာဝန်) လက်ထောက်ညွှန်ကြားရေးမှူး ဆရာကြီး ဦးဝင်းနိုင်ဆွေက သင်တန်းနှင့်ပတ်သက်သည့် လုပ်ငန်းဆောင်တာများ ရှင်းလင်းတင်ပြခဲ့ကြောင်း သိရသည်။
ပန်းတနော်မြို့နယ်အတွင်းရှိ အခြေခံပညာအထက်တန်း၊ အလယ်တန်းနှင့် မူလတန်းကျောင်းအုပ်ကြီးများ စီမံခန့်ခွဲမှုစွမ်းဆောင်ရည် မြင့်မားရေးအလုပ်ရုံဆွေးနွေးပွဲတွင် သင်တန်းသား သင်တန်းသူ (၂၉၆)ဦးတို့အား သင်တန်းနည်းပြ (၅)ဦးတို့မှ အောက်တိုဘာ ၂၄ ရက်မှ ၂၅ ရက်အထိ သင်ကြားပို့ချပေးမည်ဖြစ်ကြောင်း သိရသည်။
သတင်း - ပြည့်ဖြိုးကျော်
မြန်မာနေရှင်နယ်ပို့စ်
No comments:
Post a Comment