MNP - အောက်တိုဘာ ၄
ဧရာဝတီတိုင်းဒေသကြီး၊ မြောင်းမြခရိုင်၊ ဝါးခယ်မမြို့နယ်၌ ပန်းခင်းစီမံချက် ၂ ဖြင့် လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန မြို့နယ်ဦးစီးမှူးရုံးမှ “လူမှုဘဝပြည့်စုံဖို့နိုင်ငံသားကတ်ကိုင်ကြစို့” ဆောင်ပုဒ်နှင့် အညီ အောက်တိုဘာလ ၁ ရက်နေ့မှစတင်၍ နံနက်(၉)နာရီအချိန်က နန့်အဲလောင်ကျေးရွာအုပ်စုနှင့် အထက် သက္ကယ် ကျေးရွာအုပ်စုများရှိ ပြည်သူများအား ပန်းခင်းစီမံချက် ၂ ဖြင့် အိမ်ထောင်စုလူဦးရေစာရင်းနှင့် နိုင်ငံသားစိစစ်ရေးကတ်ပြားများထုတ်ပေးနိုင်ရေး ကွင်းဆင်းဆောင်ရွက်ပေးခဲ့ကြောင်း သိရသည်။
ယင်းသို့ဆောင်ရွက်ပေးရာတွင် လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန မြို့နယ်ဦးစီးမှူးရုံးမှ မြို့နယ်ဦးစီးမှူး ဦးကျော်စိုး၏ ဦးဆောင်မှုဖြင့် ဝန်ထမ်းများက နန့်အဲလောင်ကျေးရွာအုပ်စုနှင့် အထက်သက္ကယ် ကျေးရွာ အုပ်စုရှိ ပြည်သူများအား နိုင်ငံသားစိစစ်ရေးကတ် အသက် (၁၀) နှစ်ပြည့် ၂၈ ဦး၊ အသက် (၁၈) နှစ်အထက် ၃၇ ဦး၊ လဲလှယ် (၄၃)ဦး၊ မိတ္တူ(၄၄)ဦး စုစုပေါင်း(၁၅၂)ဦးတို့အား ဆောင်ရွက်ပေးခဲ့ကြောင်း သိရ သည်။
သတင်း - ဟိန်းထက်လင်း
မြန်မာနေရှင်နယ်ပို့စ်
No comments:
Post a Comment