MNP - အောက်တိုဘာ ၂၃
ဧရာဝတီတိုင်းဒေသကြီး၊ ဟင်္သာတခရိုင်၊ ဟင်္သာတမြို့နယ်တွင် အခြေခံပညာအထက်တန်း၊ အလယ်တန်း၊ မူလတန်းကျောင်းများမှ ကျောင်းအုပ်ကြီးများ တာဝန်ခံဆရာ၊ ဆရာမများအား စီမံခန့်ခွဲမှုစွမ်းဆောင်ရည် မြင့်မားရေးအလုပ်ရုံဆွေးနွေးပွဲကို ယမန်နေ့နံနက် ၉နာရီ အချိန်က စတင်၍ အမှတ်(၅)အခြေခံပညာ အထက်တန်းကျောင်းအမျိုးသားခန်းမနှင့် အထက ၃ ပြည်ထောင်စု ခန်းမတို့၌ ကျင်းပခဲ့သည်။
အခမ်းအနား၌ ခရိုင်ပညာရေးမှူး ဦးတိုးဝင်းက အမှာစကားပြောကြားပြီးနောက် မြို့နယ် ပညာရေးမှူး ဦးလှမြင့်က စီမံခန့်ခွဲမှုစွမ်းဆောင်ရည် မြင့်မားရေး အလုပ်ရုံးဆွေးနွေးပွဲ ကျင်းပခြင်းနှင့် ပတ်သက်၍ ရှင်းလင်းပြောကြားခဲ့သည်။
ဆက်လက်၍ စီမံခန့်ခွဲမှုစွမ်းရည်မြင့်မားရေးအလုပ်ရုံ ဆွေးနွေးပွဲကို ဟင်္သာတမြို့မြို့နယ် ပညာရေးမှူး၊ ဇလွန်မြို့နယ်ပညာရေးမှူးနှင့် လေးမျက်နှာမြို့နယ် ပညာရေးမှူးတို့က မြို့နယ်အတွင်းရှိ အခြေခံပညာ ကျောင်းများမှ အထက်တန်းကျောင်းအုပ် ၂၂ ဦး ၊ အလယ်တန်းကျောင်း အုပ် ၅၃ ဦး၊ မူလတန်းကျောင်းအုပ် ၂၇၉ ဦး စုစုပေါင်း ၃၅၄ ဦးတို့အား စီမံ၊ဘဏ္ဍာ၊ ပညာ၊ စီမံကိန်းကြီးကြပ်အကဲဖြတ် လုပ်ငန်းဘာသာရပ်များကို နံနက် ၉ နာရီမှ ညနေ ၅ နာရီ အချိန်ထိ၊ အောက်တိုဘာလ ၂၂ ရက်နေ့မှ ၂၃ ရက်နေ့အထိ (၂) ရက်တာ ဆွေးနွေးပို့ချ သင်ကြားခဲ့ကြောင်း သိရသည်။
သတင်း - ကိုဇော်
မြန်မာနေရှင်နယ်ပို့စ်
No comments:
Post a Comment