MNP - အောက်တိုဘာ ၂၇
မြင်းခြံခရိုင်၊ မြင်းခြံမြို့ အ.ထ.က(၃)၌ အခြေခံပညာဦးစီးဌာန၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ အားကစားနှင့်ကာယပညာဦးစီးဌာန၊ လူမှုဝန်ထမ်းဦးစီးဌာနနှင့် ဘေးအန္တရာယ်စီမံခန့်ခွဲရေးဦးစီးဌာနတို့ပူးပေါင်း၍ အသိပညာပေးဟောပြောပွဲကို ယမန်နေ့နံနက် ၁၀ နာရီအချိန်က ကျင်းပခဲ့ကြောင်း သိရသည်။
အခမ်းအနားတွင် ခရိုင်ပညာရေးမှူး ဦးအုန်းလှိုင်က အဖွင့်အမှာစကားပြောကြားပြီး လူမှုဝန်ထမ်းဦးစီးဌာနမှ လက်ထောက်ညွှန်ကြားရေးမှူး ဒေါ်မြမြထွေးက “မူးယစ်အန္တရာယ်လူ့ရန်စွယ်” ခေါင်းစဉ်ဖြင့်လည်းကောင်း၊ လူမှုဝန်ထမ်းဦးစီးဌာနမှ ဦးစီးမှူးဒေါ်မီမီကျော်က “ကလေးသူငယ်အခွင့်အရေး ကိုယ်တိုင်သိရှိနားလည်ရေး” ခေါင်းစဉ်ဖြင့်လည်းကောင်း၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနရုံးမှ ဦးစီးအရာရှိ ဒေါ်သန်းသန်းစိုးက “သဘာဝဘေး ကြိုတင်ကာကွယ်ရေး” ခေါင်းစဉ်ဖြင့်လည်းကောင်း၊ အားကစားနှင့်ကာယပညာဦးစီးဌာန လက်ထောက်ညွှန်ကြားရေးမှူး ဦးတင်မျိုးအောင်က “လူငယ်နှင့်အားကစားဆိုင်ရာ အကြောင်းအရာများ” ဆွေးနွေးဟောပြောခြင်းနှင့် ကျောင်းတွင်းအားကစားအတွက် အားကစားပစ္စည်းများ ထောက်ပံ့ပေးအပ်ခြင်းကိုလည်းကောင်း၊ ပြန်ကြားရေးနှင့်ပြည်သူ့ ဆက်ဆံရေးဦးစီးဌာန လက်ထောက်ညွှန်ကြားရေးမှူး ဒေါ်အေးအေးနွဲ့က “ဗလငါးတန်ဖွံ့ဖြိုး ရေးဆိုင်ရာများ” ကိုလည်းကောင်း ဆွေးနွေးပြောကြားခဲ့ပါသည်။
ဆွေးနွေးပွဲအပြီး၌ အားကစားနှင့်ကာယပညာဦးစီးဌာနဝန်ထမ်းများက Fitness Dance ဖြင့် သရုပ်ပြပြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာနက ကလေးအလုပ်သမားပပျေက်ရေးဆိုင်ရာ နံရံကပ်စာစောင်များ၊ စာအုပ်စာစောင်များပြသခဲ့ကြောင်းနှင့် အခမ်းအနားတွင် ကျောင်းသားကျောင်းသူ ၂၅၀ ဦး တက်ရောက်ခဲ့ကြောင်း သိရသည်။
မြန်မာနေရှင်နယ်ပို့စ်
No comments:
Post a Comment