MNP - ဒီဇင်ဘာ ၁၉
ရခိုင်ပြည်နယ်၊ မြောက်ဦးခရိုင်၊ မြောက်ဦးမြို့၌ ပွင့်လင်းရာသီသို့ရောက်ရှိလာပြီ ဖြစ်သဖြင့် မီးဘေးအန္တရာယ်ကင်းဝေးနိုင်စေရေးအတွက် အောင်တပ်ရပ်ကွက် မင်္ဂလာအောင်စေတီတိုက်ပွဲ ရှောင်ခစန်း သို့သွားရောက်ပြီး ယမန်နေ့က အသိပညာပေးဟောပြောခြင်း နှင့် တိုက်ပွဲရှောင်စ ခန်း ရှိနေအိမ်များအား ကွင်းဆင်းစစ်ဆေးခဲ့ကြောင်း သိရသည်။
ထိုသို့ မီးဘေးအန္တရာယ် လုံခြုံရေး အသိပညာပေးဟောပြော ရာတွင် မြို့နယ်မီးသတ် ဦးစီးမှူး ဦးလှဝင်း မှ တိုက်ပွဲရှောင်စခန်းရှိ ပြည်သူများ၏နေအိမ်တွင် မီးချိတ်၊ မီးကပ်၊ သဲအိတ် ၊မီးသတ် ဆေးဗူးများ မီးဘေးကာကွယ်ရေးပစ္စည်းများအား အသင့်ထား ရှိစေရေး၊ နေအိမ်များတွင် လောင် စာဆီများသိုလှောင်ခြင်းမပြုရန်၊ အိမ်တွင်တပ်ဆင်ထားသော ဟောင်း နွမ်းလျှပ်စစ်ဝါ ယာကြိုးများ နှင့် ပျက်စီးနေသောလျှပ်စစ် ပစ္စည်းများအားအသုံးမပြုကြရန်၊ မီးသွေး မီးဖိုဖြင့် ထမင်း၊ ဟင်းချက်ပြုတ်ပြီးပါက မီးကြွင်းမီးကျန်များအား စနစ်တကျမီးငြိမ်းသတ်ကြရန်၊ ဖယောင်းတိုင်မီး၊ အမွှေးတိုင်၊ ခြင်ဆေးခွေများအားငြိမ်းသတ်ထားကြရန်နှင့် မီးလောင်မှုဖြစ်ပွား ပါက မြို့နယ်မီးသတ်ဦးစီးဌာနသို့အကြောင်းကြားရန် ရှင်းလင်းပြောကြားခဲ့သည်။ ဆက်လက်၍ တိုက်ပွဲရှောင် စခန်းရှိ နေအိမ်များကို ကွင်းဆင်းစစ်ဆေးရာတွင်လည်း မီးလောင်မှုမဖြစ်ပွား အောင် ၊ မီးလောင်မှုများ ဖြစ်ပွားခဲ့လျှင် မီးငြိမ်းသတ်နိုင်ရေးနှင့် အခြားနေရာများသို့ မီးလောင်မှု မကူးစေရန် စသည်တို့ကို မြို့နယ်မီးသတ်ဦးစီးမှူးမှ မီးဘေးအန္တရာယ်ဆောင်ရန် / ရှောင်ရန် အချက်တို့ကို တိုက်ပွဲရှောင်စခန်းရှိ ပြည်သူများအား သိရှိလိုက်နာစေရန် ကွင်းဆင်းစစ်ဆေး ခဲ့ကြောင်း သိရသည်။
မြင့်စိုး ၊ စိုးငြိမ်းနိုင်
https://t.me/MyanmarNationalPost
No comments:
Post a Comment