MNP - ဇန်နဝါရီ ၁၅
ဧရာဝတီတိုင်းဒေသကြီး၊ ပုသိမ်ခရိုင်၊ ငပုတောမြို့နယ် စိုက်ပျိုးထုတ်လုပ်မှုတိုးတက်မြင့်မားရေးအဖွဲ့ ဥက္ကဋ္ဌ ဦးကျော်သူ၊ အတွင်းရေးမှူး ဦးထွန်းမျိုးသန့်နှင့် တာဝန်ရှိသူများသည် ယမန်နေ့ နံနက် ၁၁ နာရီအချိန်က ဝက်ဆူကျေးရွာအုပ်စု၌ မြို့နယ်စိုက်ပျိုးရေးဦးစီးဌာနမှ စိုက်ပျိုးထားသည့်နေကြာစိုက်ခင်းများနှင့် ပုသိမ်-ငပုတောကားလမ်းဘေးရှိ ပိုက်ဆံလျှော် စိုက်ခင်း အောင်မြင်ဖြစ်ထွန်းနေမှု အားကွင်းဆင်းကြည့်ရှုခဲ့သည်။
ထို့နောက်မြို့နယ် စိုက်ပျိုးထုတ်လုပ်မှု တိုးတက်မြင့်မားရေးအဖွဲ့ ဥက္ကဋ္ ဌဦးကျော်သူနှင့် တာဝန်ရှိသူများသည် လိပ်ချောင်းကျေးရွာအုပ်စု၊ ပုသိမ်-ငပုတောကားလမ်းဘေးရှိ ကွင်းအမှတ် (၁၃၈၃)၊ ဦးပိုင်အမှတ် (၁၁/၂)တောင်သူဦးအောင်သူ၏ နေကြာသီးသန့်စိုက်ဧက (၅.၀၀)ဧကအတွင်း၌ စိုက်ပျိုးထားသည့် နေကြာစိုက်ခင်း အောင်မြင်ဖြစ်ထွန်းနေမှုအားကြည့်ရှုပြီး ပန်းတိုင်အထွက် နှုန်းတိုးတက်စေရေး၊ ပိုးမွှားအန္တရာယ်မှကာကွယ်နိုင်ရေးနှင့် အရည်အသွေးကောင်းမွန်သော သီးနှံပင်များ ဖြစိထွန်းစေရေး မှာကြားခဲ့ကြောင်း သိရသည်။
အောင်သူ
https://t.me/MyanmarNationalPost
No comments:
Post a Comment