MNP ၊ မတ် ၂၁
ပြည်ထောင်စုနယ်မြေ၊ လယ်ဝေးမြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ကလေးစာဖတ်ခန်းတွင် ကလေးငယ်များ ကာယ ဉာဏစွမ်းရည်ဖွံ့ဖြိုးတိုးတက်ရေးအတွက် လစဉ်ပြိုင်ပွဲများကျင်းပပေးလျက်ရှိရာ ယမန်နေ့မွန်းလွဲ ၁ နာရီက ဆေးရောင်ခြယ်နှင့် ပန်းချီပြိုင်ပွဲ ကျင်းပခဲ့သည်။
အဆိုပါ ဆေးရောင်ခြယ်ပြိုင်ပွဲတွင် မူလတန်းအဆင့်ကလေးငယ် ၁၅ ဦး ပါဝင်ယှဉ်ပြိုင်ခဲ့ကြပြီး ၊ ပန်းချီပြိုင်ပွဲတွင် အလယ်တန်းအဆင့် ကလေးငယ် ၁၄ဦး ယှဉ်ပြိုင်ခဲ့ကြသည်။ ထို့နောက်ပြိုင်ပွဲတွင် ပထမ၊ ဒုတိယနှင့် တတိယဆုရရှိသူများအား ဒုတိယဦးစီးမှူး ဒေါ်ခင်ဝင်းမွန်နှင့် ဝန်ထမ်းများက ဆုများချီးမြှင့်ပေးခဲ့ကြောင်း သိရသည်။
နေရည်
https://t.me/MyanmarNationalPost
No comments:
Post a Comment