MNP - မတ် ၁
မွန်ပြည်နယ်၊ကျိုက်ထိုခရိုင်၊ ကျိုက်ထို မြို့နယ်အတွင်းဒေသသီးနှံ စိုက်ပျိုးလျှက်ရှိသည့်တောင်သူများ၏ လယ်ယာမြေအထွက်တိုးနှုန်း တိုးတက်မြင့်မားလာစေရန် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ကျိုက်ထိုမြို့နယ်စိုက်ပျိုးရေးဦးစီးဌာနမှကွင်းတာဝန်ခံများ အနီးကပ်ကူညီဆောင်ရွက်ပေးလျှက်ရှိကြောင်းသိရသည်။
ယင်းသို့ဆောင်ရွက်ပေးရာတွင် မြေဆီ လွှာပြန်လည်ဖွံ့ဖြိုးတိုးတက်ရေး အတွက် မတ်လ ၁ ရက် နံနက်၇နာရီတွင် မြို့နယ်စိုက်ပျိုးရေးဦးစီးဌာန ဦးစီးအရာရှိ ဦးဝင်းဗိုလ်နှင့်ဝန်ထမ်းများက ကျိုက်ပိကျေးရွာတောင်သူ ဦးကျော်ဌေး ၏စိုက်ပျိုးဧက (၇)ဧကပိုက်ဆံလျှော်စိုက်ခင်းအားထည်ထိုးမြေမြှုပ်ပေးခြင်းကိုဆောင်ရွက်ပေးခဲ့သည်။
ထိုသို့ဆောင်ရွက်ပေးခြင်းကြောင့်မြေဆီ လွှာခမ်းခြောက်လျှက်ရှိသည့် လယ်ယာမြေသည်နောက်နှစ်မိုးတွင်းကာလတွင် မြေဆီ လွှာပြည့်ဝလာပြီး မိုးစပါး/ နွေစပါး အပါ အဝင် ဆောင်းသီးနှံများ စိုက်ပျိုးရာတွင် အထွက်တိုးနှုန်းမြင့်မားလာ၍နိုင်ငံစီးပွားဖွံ့ဖြိုးတိုးတက်လာမည်ဖြစ်ကြောင်းစိုက်ပျိုးရေးဦးစီးဌာနမှသိရသည်။
ဝင်းမောင်
https://t.me/MyanmarNationalPost
No comments:
Post a Comment